Inuit arfineq-marluk qulimiguulip Venezuelami nakkarnerani ajunaartut
Qulimiguulik Caracasimit Venezuelap kippasissortaani nunap immikkoortuanut Cojedesimut ingerlaartilluni nakkarpoq, nakkarneralu oqartussanit misissorneqaleruttorpoq.
Venezuelap præsidentia Nicolas Maduro ippassaq arfininngornermi Cojedesimiippoq, sakkutuut sungiusarnerat tassani malinnaavigiartorlugu.
Venezuelap USA-mit sakkutuulersorfigineqaratarsinnaanera Madurop ippassaq oqalugiarnermini oqaatigaa, sakkutuullu tassunga atatillugu piareersimanerat sungiusarnermi takutinneqartoq aamma oqaatigalugu.
Madurop uppisinneqarnissaa USA-mit kaammattuutigineqartoq, præsident Nicolas Madurop oqaatigaa.
Venezuelami illuatungiliuttut siuttuat Juan Guaidó, Venezuelami præsidentitut ukioq manna januaarimi imminut nalunaarutiginnittoq, USA-mit tapersersorneqarpoq.
/ritzau/
