Sume pillugit filmiliaq Københavnimi ualeru takutinneqassaaq kingornalu oqallittoqassalluni
Filmi takutinneqareerpat kinaassuseq, saammaasseqatigiinneq namminiilivinnerlu pillugit, oqallittoqassaaq, tusagassiortoq atuakkiortorlu Martin Breum oqallitsitsisuussalluni.
Politikenip aaqqissuisuunera Bo Lidegaard, Saammaasseqatigiinnissaq pillugu Isumalioqatigiissitap siulittaasua Jens Heinrich, ilinniartoq, oqallitsitsisartullu peqatigiiffiannik Aqagumik pilersitseqataasoq Ivalu Stender, Sumékkullu pillugit filmiliamik ingerlatsisoq Emile Hertling Péronard, oqallitsitsinermi paasisimasalittut peqataassapput.