Suliumajunnaartoqassanngilaq: Air Greenland flymekanikerillu isumaqatigiipput
![](/sites/default/files/styles/image_934x467/public/article_images/image_19.jpg?itok=ymAVa4W5)
Air Greenland aamma Dansk Metal piffissami sivitsulersumi isumaqatigiinniareerlutik kiisami flymekanikerit pillugit nutaamik isumaqatigiissuteqarput
Nalunaarutigaallu akerleriinneq unittoq.
Isumaqatigiissutilli imaa qanorpiaq imaqarnersoq ilisimaneqanngilaq, Air Greenlandili aammalu flymekanikerit kattuffiat Dansk Metalip isumaqatigiissut nuannaarutigaat.
- Maannakkut siumut isigaluta ingerlaqqissinnaalernerput aammalu suliffitta pilerinartuullunilu unammilleqatigiinnermik tunngaveqarluni ingerlaannarsinnaanera aallussinnaaleqqikkatsigu nuannaarutigaarput, Mads B. Christensen Air Greenlandimi HR-mi pisortaq taama oqarpoq.
Dansk Metalip aamma angusat iluaralugit ilaasortamik suliaasa pitsaassusaat akuersaarneqarlutik qulakkeerneqarnerat nuannaarutiginerarpaa.
- Isumaqatigiissuterput iluarisimaarpara, oqitsuinnaasimanngilaq tamannami pinngitsoorneqarsinnaanngilaq suliaq pitsaasuutinniaraanni. Pingaaruteqarporlu oqaatigissalllugu, isumaqatigiinnginnerup Kalaallit Nunaanni ilaasartorpassuagut tamaasa eqqunngimmagit, Dansk Metalimeersoq Ole Rosschou KNR-mut taama oqarpoq.