Saligaatsoq: Sulisut eqqagassaleritinneqaqqilerput
![](/sites/default/files/styles/image_934x467/public/article_images/img_0536.jpg?itok=5Yn-yDsq)
Nuummi Maniitsumilu suliffeqarfinni sulisut suliffitsik ualeru nalunaaqutaq marlunut qiteqquppat qimallugu Saligaatsoq 2018-imut atatillugu suliffiup eqqaani saliisinnaalissapput.
CSR Greenland, Saligaatsumik 2010-mili aaqqissuisuusoq, Saligaatsoq 2018-imik aamma aaqqissuisuuvoq. Suliffiit CSR Greenlandimut ilaasortat inuiaqatigiinnut akisussaassuseqartumik sulinissaat qulakkiissallugu peqatigiiffiup CSR Greenlandip isumagisarpaa.
AAMMA ATUARUK Kommuunit eqqagassat aaqqiiviginiaraat
Saligaatsoq ukiuni kingullerni arfineq-pingasuni aaqqissuunneqartarsimavoq, siullerpaamik Nuummi, illoqarfinnulli allanut kingorn aamma siammarsimalluni.
Saligaatsoq 2018 Ilulissani Sisimiunilu ukioq manna aaqqissuunneqareerpoq, Nuummilu maniitsumilu ullumi sisamanngornermi aaqqissuunneqassalluni. Aasianni suliffeqarfiit arfininngorpat juunip ulluisa 16-ianni taava saliitinneqassapput.
AAMMA ATUARUK Akiligassarpassuit eqqagassanut tunngasut
Saligaatsoq 2018-ip Nuummi Maniitsumilu ullumi sisamanngornermi unammlinnernalaarsinnaassaaq, tamaani anorliitigaluni siallinngikkuni nittaallertarnissaa ilimasaarutigineqarmat.
Kina "Saliisutsiak"-tut toqqarneqarsimanersoq, CSR Greenlandip Facebookikkut quppernerani toqqarsinnaavat. "Saliisutsialak"-mi ajugaasoq aqagu tallimanngornermi ulloqeqqanut saqqummiunneqarumaarpoq.
AAMMA ATUARUK Minna ukiuni 50-ini eqqagassanik katersivoq