Sulisitsisut Namminersorlutik Oqartussat isornartorsioraat: Corona pillugu malittarisassat tunngavilersugaalluanngillat
Timersortartut peqatigiiffii corona pillugu malittarisassat pissutigalugu pissartanngorniutsitsisinnaanngillat.
Atuakkiortut peqatigiiffiat ataatsimeersuartitserusukkaluarpoq, akuerineqarnissalli ajornakusoorsinnaanera ernumagaa.
Sulisitsisut corona pillugu malittarisassat Naalakkersuisut atulersitaat manna aamma isornartorsiorpaat: Malittarisassat pissutigalugit aaqqissuussinernut annerusunut, peqataanissamut nalunaarfigineqaqqaartariaqartunut kommunimiit kommuninut angalalluni peqataajartortoqarsinnaanngilaq.
AAMMA ATUARUK Kim Kielsen: Ukioq manna pissartanngorniuttoqassanngilaq
Katersuunnissamut malittarisassat
Inuit amerlanerpaamik 100-it januarip ulluisa 31-ata tungaanut illup iluani katersuussinnaapput.
Silami inuit amerlanerpaamik 250-it katersuussinnaapput.
Kommunimit kommunimut angalaqqusaanngilaq. Namminersorlutik Oqartussat katerinnissat pillugit killilersuinerugallartunut nalunaarutaanni paragraf 2-mi allassimavoq:
"Aaqqissuussanut nalliuttorsiornernullu peqataanissamut nalunaarfigineqartariaqartunut atatillugu inuit kommuninit allaneersut aaqqissuussamut peqataanissamut nalunaarsinnaannginnissaat aaqqissuussisup qulakkiissavaa."
Tamanna kattuffiup ilaasortaanut kingunerlussinnaasoq, Sulisitsisut isumaqarput.
- Akunnittarfiit neriniartarfiillu, minnerpaamik aningaasatigut ikiorsiissuteqarfigineqanngikkunik akiliisinnaajunnaarnerannik kinguneqarsinnaavoq, Sulisitsisuni pisortaq, Brian Buus oqarpoq.
Annaasaqangaatsiarneq
- Pikkorissarnerit, isumasioqatigiinnerit assigisaallu amerlanerpaat ukiakkut ingerlanneqartartut akunnnittarfiit neriniartarfiillu nioqqutissaataannik tunisaqarfiunerpaasarput. Aaqqissuussinerit taakku amerlanerpaartaat kommuninit allanit nunanillu allaneersunit peqataaffigineqaqqusaannginnerat pissutigalugu taamaatinneqarput, Brian Buus oqarpoq.
AAMMA ATUARUK Politikerit katersuussinnaapput: Kalaallimmi atuakkiortut katersuussinnaappat?
Tamanna amerlasuunut, aamma Air Greenlandimut kaaviiaartitanik annaasaqaateqarfiungaatsissaaq.
Inuit aappaagu januaari ilanngullugu amerlanerpaamik 100-t illup iluani katersuussinnaapput. Silamilu amerlanerpaamik 250-it katersuussinnaallutik.
Malittarisassat januaari ilanngullugu atortussanngortillugit sivitsorneqaqqammerput.
"Sianiilliorneruvoq "
Kommunimiilli kommunimut allamut angalalluni aaqqissuussinernut peqataasoqarsinnaavoq – taakkulu politikeriupput. Assersuutigalugu Siumut Ilulissani qaammatip tulliani ataatsimeersuartitsillunilu siulittaasumik taasisoqassaaq.
Politikerillu kommunimiit kommunimut angalasinnaagunik – taava kikkut tamarmik aamma akuerineqartassasut, Inuit Ataqatigiit oqaatigaat.
Sulisitsisut killilersuinernut peqqissutsikkut tunngavilersuinerat aamma paasiuminaatsippaa. Kattuffik naalakkersuisunit peqataasinneqanngitsutut misigisimapput.
- Sulisitsisut tamanna pitinnagu kinguneqanngitsumik kaammattuutigigaluarpaa killilersuinerit isumaliutigeqqeqqullugit imaluunniit piffissamik sivikinnerusumik killilersuinerit naannerutillugit, Brian Buus oqarpoq.
AAMMA ATUARUK Múte B. Egede: Hvis vi politikere må samles, bør andre også have lov
- Ataqatigiissaarisutullu suleqatigiit, Namminersorlutik Oqartussat suleqatigalugit ikiorsiissutissanik suleqataasimasut. Sulisitsisut kattuffiillu allat oqaloqatiginissaat siumungaaq aamma kissaatigineqarsimanngilaq.
- Sooruna taamak kattuffiit peqataatinnagit namminissarsiortoqartigisoq? Taamaattumik manna tikillugu coronamut iliuutsinut tapersersuineq annikillisissinnaavaa, tamannalu sianiilliorneruvoq.
KNR-ip Naalakkersuisut siulittaasuat, Kim Kielsen ippassarli oqaaseqartinniarsarilerpaa.
