- Kim Kielsenip oqarneratut tunillatsissimasunik isertoqannginnissaa avaqqussinnaanngilarput, tamanna Nanortalimmi takoqqammerparput. Taamalu pisoqaqqissaaq, Henrik L. Hansen oqarpoq.Assi: KNR

Kim Kielsen: Ukioq manna pissartanngorniuttoqassanngilaq

Timersortartut peqatigiiffiisa nunatsinni ukioq manna pissartanngorniuttoqarnissaa puiguinnarsinnaagaat, tusagassiortunik ullumi katersortitsisoqareernerani erserpoq.

Timersortartut peqatigiiffippassuisa nunatsinni ukioq manna pissartanngorniutsitsisinnaanissartik takorloorsimallugulu neriuutigisimavaat. Aaqqissuussinissamulli aporfeqarsimavoq – tassa corona pillugu malittarisassat.

Aporfiusorli aappaagu tungaanut atuutissaaq.

- Nunatsinni pissartanngorniutsitsisoqarsinnaanngilaq, Kim Kielsen oqarpoq, nangillunilu tamanna politikkikkut aalajangiinerunerarlugu.

AAMMA ATUARUK Tamaat isigalugu: Assammik arsarnermi, volleymi, taekwondomi pissartanngorniuttoqarnissaa suli neriuutigineqartoq

Taassuma nakorsaanerup katersuunnissamut malittarisassanut maanna atuuttunik ingerlatitsiinnarnissamut innersuussutaa malippaa. Tamanna aaqqissuussanut kommunimit kommunimut allamut angalasoqarfiusussanut malittarisassanut aamma atuuppoq.

Katersuunnissamut malittarisassat

Inuit amerlanerpaamik 100-it januarip ulluisa 31-ata tungaanut illup iluani katersuussinnaapput. 

Silami inuit amerlanerpaamik 250-it katersuussinnaapput.

Kommunimit kommunimut angalaqqusaanngilaq. Namminersorlutik Oqartussat katerinnissat pillugit killilersuinerugallartunut nalunaarutaanni paragraf 2-mi allassimavoq:

"Aaqqissuussanut nalliuttorsiornernullu peqataanissamut nalunaarfigineqartariaqartunut atatillugu inuit kommuninit allaneersut aaqqissuussamut peqataanissamut nalunaarsinnaannginnissaat aaqqissuussisup qulakkiissavaa." 

- Inuit peqqissusaat salliutipparput. Tamanna avaqqussinnaanngilarput, Kim Kielsen oqarpoq, nangillunilu:

- Nunarput ammaqqinnikuuarput, inuit tikittartut amerlanerulersimapput, aamma avataaniit tikittartut. Taamaammat aaqqissuussinerit kommunit killeqarfiisa iluaniiginnartinniarneqarput. Kommuninit allanit peqataajartortoqaqqusaanngilaq.

Nakorsaaneq: Pinaveersaartitsineq kinguneqarpoq

Nalunaarut taanna nakorsaanerup, Henrik L. Hansenip pissartanngorniuunnissamut aporfiliisunik corona pillugu malittarisassanik atuuttunik attassiinnarnissamut innersuussuteqarsimasup itisilerpaa.

- Kim Kielsenip oqarneratut tunillatsissimasunik isertoqannginnissaa avaqqussinnaanngilarput, tamanna Nanortalimmi takoqqammerparput. Taamalu pisoqaqqissaaq.

AAMMA ATUARUK Naalakkersuisoq pissartanngorniunnissaq pillugu: KAK-p kissaatai akuerisinnaangilagut

Nakorsaaneq, Henrik L. Hansen oqarpoq, erseqqissaallunilu tamanna inuiaqatigiit nunatsinni sumiiffinnit allaneersunit aaqqissuussaannut peqataajartortoqarnissaanut mianersoqqissaartoqarneranut pissutaanerpaasoq.

- Aaqqissuussinermimi taamaattumi tuniluuttoqalissagaluarpat taava avannaani, kujataani kitaanilu tuniluuttoqalerataassaaq, nakorsaaneq oqarpoq.

- Taamaammat oqartoqarsinnaavoq pinaveersaartitsineq naleqarpoq. Kisianni allatut aalajangernermit pisinnaasoq alla ajorneruvoq. Nunatsinni tamarmi tuniluuttoqalernissaanik pinaveersaartitsineruvoq.

Naalakkersuisut katersuunnissamut malittarisassat januaarip 31-at 2021-p tungaanut aamma sivitsorpaat. Siullermik ukioq manna decembarip 31-ata tungaanut atuukkaluarput.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat