Sulisitsisut KNI-mi kanngunartuliaq pillugu: Whistleblower atortariaqarpoq
Kinguaassiutitigut innimiilliorneq, politiinut unnerluussinerit naatsorsuusiornerlunnerlu KNI-p nunatsinni niuernikkut suliffeqarfiit annersaata ukiumi kingullermi nalaappai.
Tallimanngormallu ingerlatsivik nutaanik siulersuisortaarpoq, taakkulu ajornartorsiummut aaqqiiniartussaassapput, ilaatigummi tusarliunneqarmat: naatsorsuutitigut ukiut qulit ingerlaneranni annertuumik kukkunerit naatsorsuutinilu piaaraluni allanngortiterisarnerit inuiaqatigiinnut 112 millionit koruuninik naleqartut pisarsimasut.
AAMMA ATUARUK Naalakkersuisut KNI-mi whistleblowerit qutsavigaat
Sulisitsisut kattuffiani GE-mi pisortaasoq Christian Keldsen oqarpoq, KNI-mi pissutsit aaqqinneqassappata pingaaruteqarluinnartoq whistleblowerordningip atornissaa pingaaruteqarluinnartoq, taannalu isumaqarpoq peqquserluttoqarsimatillugu kinaassutsimik isertuussilluni maalaaruteqarsinnaanermut aaqqissuussaq.
KNI A/S-imi kanngunartuliat
- KNI-p aningaasaqarneranut atatillugu kukkunerit qoqassiiniarnerillu, siorna novembarimi nalunnginnittut tusagasiuutinut oqaluttuarnerisa kingorna saqqummeralerput.
- Qaammatini arlalinni misissuisoqareersorlu, aningaasaqarnikkut qoqassiiniartoqarsimasoq siulersuisut nassuerutigaat. Manna tikillugu akileraannginnermi tamanna ingerlatsivimmut 112 miliuuni koruuninik akeqarsimavoq 12,5 miliuuni koruuninillu amigartoortitsilluni.
- Pisimasulli suli akisunaarutaasinnaanersut ingerlatsivimmi pisortat suli ilisimanngilaat.
- Uppernarsaatinik salloqittaasiorsimasutut pinerlunniarsimasutullu inuk ataaseq politiinut unnerluutigineqarpoq, taannali kinaanersoq aningaasallu qassit pineqarnersut, KNI-mit oqaatigineqarumanngillat.
- Tamatuma saniatigut kinguaassiuutitigut kanngutsaatsuliorsimasutut unnerluussaalluni pisortaq Peter Grønvold Samuelsen soraarsitaavoq. Taanna tassunga atatillugu politiinut unnerluunneqarpoq.
- Unnerluussinerit saqqummertalermata pisortaasimasoq Peter Grønvold Samuelsen soraarsinneqarpoq. Taassumunnga paarlattaavoq Jeppe Jensen. Tamatuma saniatigut sulisunik sullissivimmi pisortaasimasoq siulersuisunullu siulittaasuusimasoq Lars Borris Pedersen tunuarpoq, taannalu Svend Hardenberg-ip paarlappaa.
Misissuineq akisussaaffillu pisariaqarput
Christian Keldsen erseqqissaavoq pingaarluinnartuusoq siulersuisut paasilluartariaraat siulersuisut akisussaaffeqarnertik paasilluartariaqaraat:
- Taamaattoqarnera akuerisinnaanngilarput. Tusagassiutitigut tusarliunneqartut taamaallaat nalunngilagut, KNI-mili aqutsineq ataatsimut isigalugu pingaaruteqarpoq whistleblowerimut aaqqissuussaq atorlugu aaqqiissuteqarnissaq,
- Taamatulli aamma pingaartigivoq transparensip akuutinneqarnissaa, tassalu taanna tassaavoq arlaannaanulluunniit attuumassuteqanngitsumik avataaniit naliliisartoq, aammalu pingaaruteqarpoq siulersuisut pikkorilluinnartut siulersuutinnissaat. Pingaaruteqarluinnarporlu siulersuisut ilisimalluinnilluinnartussaammata siulersuisunut iserniariarunik sumik akisussaaffeqarnerminnik ilisimaarinneqqissaarnissaminnik. Tassungalu atatillugu aamma pingaaruteqarpoq, siulersuisut piginnaaneqarluartumik katitigaasussaanerat, KNR-mut taama oqarpoq Christian Keldsen.
AAMMA ATUARUK KNI kanngunartuliorfiusareertoq piginnittut ataatsimeersualersut
Taanna aamma erseqqissaavoq, Sulisitsisut kattuffiat KNI-mi pisunut aalajangersimasunut akuersaarinnissinnaanngitsoq.
- KNI-mi pisut naatsumik oqaatigissagukkit, misissuisoqartariaqarpoq taannalu tunngavigalugu qisuariartoqartariaqarpoq siulersuisutullu pisussaaffitsik naapertorlugu akisussaaffilimmik alloriartoqartariaqarpoq, taama oqarpoq Sulisitsisut kattuffianni pisortaq Christian Keldsen.
KNI-p allaffeqarfissua Sisimiuni inissisimavoq.
