Suliniutit angisuut pillugit inatsit passinik misissuisoqartalerneranik kinguneqarsinnaavoq
Suliniutit angisuut pillugit inatsit Dansk Folkepartip akerleraa, taannalu Kalaallit Nunaat namminersorluni oqartussaaffeqaraluartoq Folketingimi inaarutaasumik akuersissutigineqartussaavoq. Tassungalu atatillugu DF-ip inatsimmik naammagisaqannginnini takutinniarlugu akuersissutigineqarnerani akerleralugu taasiniarpoq.
- Ajornerusumik atugaqartitsinissap ajornartorsiutiginerata saniatigut, suliniutit angisuut pillugit inatsit Kalaallit Nunaata Danmarkillu akornanni passinik misissuisoqartalernissaanik eqqussinissamik kinguneqassaaq. Kinamiorpassuit Kalaallit Nunaannut tikikkunik, timmisartumut ikisinnarlutik imaaliallaannaq Københavniliarsinnaapput taamaalillutillu Danmarkimut isiinnapajussinnaallutik. Tamanna inooqataaffigisinnaanngilarput, Søren Espersen nassuiaavoq.
Søren Espersenip taamatut passinik misissuisoqartalernissaa sakkortuumik akerleralugu erseqqissaatigaa, Kalaallimmi Nunaat Naalagaaffeqatigiinnut ilaaavoq.
- Isumannaartariaqarparput, aamma siunissaq eqqarsaatigalugu. Allamiut unioqqutitsillutik nunamiittut nallinnaannartumillu atugaqartinneqarlutik akileraarusigaanngitsumik sulisartut Danmarkimi annertuumik ajornartorsiutigereerpagut, Kalaallit Nunaanni aatsitassarsiorneq unippat Kinamiorpassuit nunamut isaasinnaanerat isummannaarsassagutsigu taamaaliortariaqassaagut, Søren Espersen oqarpoq.