Suliffissat, aningaasaqarneq ilinniartitaarnerlu pingaartinneqarnerusut

Qinissinissamut inuiaqatigiinni inissisimaneq naapertorlugu pingaarnersiuisinnaassuseq allanngorarsinnaasaraluartoq – inuusuttuugaluaraanni utoqqaagaluaraanni, pissarissaaraluaraanniluunniit siunissami nunatta aningaasaqarniaasaarnera qinersisartunit eqqummaariffigineqarpoq.

Aningaasaqarnerup inissisimanera inuttaasunit tamanit sammineqarpoq. Nunarput tamaat isigalugu inuttullu ataasiakkaatut. Inuusuttut ilinniartitaarneq pillugu politikki eqqummaariffigaat soorlu kollegiassaqarniarup qulakkeerneqarnissaa ilinniagaqarnermusiaqartitsinerlu pingaartitarigaat. Utoqqaanerumaat suliffissaqarniarnikkut aningaasarsiaqarnerlu samminerugaat, politikkikkut naliliisartup, qinersinissamullu malinnaasup Sten Lundip oqaatigaa.

Partiit annerit akornanni suleqatigiissutigiuminaannerpaavoq aatsitassarsiornerup qanoq pissarsissutigineqarsinnaanissaa. Politikerillu eqqartuivallaanngikkaluartut qinersisartut susassaqarfigerusuppaat. Akileraarutitigut aatsitassarsiornikkullu qanoq isertitsissutaasinnaanissaa pineqarpallaarani tamanut suliffissaqartitsisinnaanissaq qinersisartut soqutigisaraat.

- Qinersisartut soorunami aatsitassarsiulersinnaaneq eqqarsaatigaat, taamaattorli aatsitassarsiornissamut qanoq kalaallit sulisinnaanissaat qulakkeerniarneqarnersoq eqqarsaatigineqartaannarpoq.  Aatsitassarsiulertoqassappammi ilinniagaqarsimanngitsut ilinniarteqqinnerisigut suliffissaqarsinnaanissaannut eqqanaarinninnissaq maluginiarpara. Inuiaqatigiimmi ukiuni aggersuni suliassarpassuaqarfeqalertussaammat, Sten Lund erseqqissaavoq.