Suliffissaaleqisut ikiliartorput
Nunatsinni suliffissarsiortutut ukioq manna januaarimi nalunaarsukkat siorna 2015-imi decembarimut sanilliullugu ikinnerupput, tassami januaarimi suliffissarsiortutut nalunaarsukkat katillugit 4031-ummata, siorna decembarimut sanilliullugu 371-inik ikinnerullutik.
Allattoq Mads Lynge
februaarip 15-at 2016 13:05
Suliffissarsiortutut nalunaarsukkat 4031-t akornanni 695-it nunaqarfinneersuupput. Nunaqarfimmeersut suliffissarsiortutut januaarimi nalunaarsukkat siorna decembarimut naleqqiullugu 293-inik ikilisimapput.
Kommuninut suliffissarsiorsimasut tunngavigalugit suliffissarsiortutut nalunaarsukkat saqqummersinneqartarput. Tassami qaammammi inuk ataaseq suliffissarsiortutut naatsorsugaasarpoq, qaammatip ingerlanerani ataasiarluni arlaleriarluniluunniit nalunaarsorsimanera apeqqutaatinnagu.
Angutit 20-t 24-llu akornanni ukiullit suliffissarsiortutut nalunaarsorneqarsimasut amerlanerpaasut, suliffissarsiortutut nalunaarsorneqarsimasut takutippaat. Kalaallit Nunaanni Naatsorsueqqissaartarfik taama nalunaaruteqarpoq.
