VIDEO Suleqatit napparsimakulasoqartarneranit eqqugaasartut
Kommuneqarfik Sermersuumi utoqqarnik sullissinerup iluani sulisut akornanni napparsimasarnerisa ajornartorsiutaangaatsiarnera KNR-ip piffissami kingullermi sammivaa. Napparsimasoqartarnera suleqatinut utoqqarnulku ikiorneqarnissaminnik pisariaqartitsisunut kingunerlutsitsisarpoq.
Kommuneqarfik Sermersuumi utoqqaat najugaqarfiinut najugaqaqatigiiffiinulu immikkoortortaqarfimmi pisortaq Hendrine Poulsen Lund taama oqaluttuarpoq.
- Sulisut ikippallaartillugit utoqqaat illuanni suliassaq pingaarneq soorunami tassaasarpoq najugaqartut nerisassaqartinnissaat, siniffimmit makitinnissaat pisariaqartitaasalu isumaginiarnissaat, pisortaq oqarpoq.
Aamma atuaruk Siverth K. Heilmann: Suliffimmik ataqqinninneq ilikkartariaqalerparput
Sulisullu napparsimasut amerlavallaaraangata utoqqarnut sammisassaqartitsinerit unitsinneqartariaqartarput.
- Silami pisuttuarnerit ullullu ingerlanerani sammisassat allat, soorlu eqaarsaarnerit sulisut ikippallaartillugit tunulliunneqartariaqartarput, Hendrine Lund Poulsen taama oqarpoq.
Napparsimakulasoqartarnera pillugu Qanoruup ilanngutassiaa tamakkerlugu allaaserisap qulaani isiginnaarneqarsinnaavoq.
Aamma atuaruk Utoqqarnik sullissisut napparsimakulasarnerat kommunimut akisusoq
Aamma atuaruk Napparsimakulasarnerit pissutigalugit Steffenip anaanami nangia taarsertariaqartaraa
Aamma atuaruk Napparsimakulasarneq kommunip aamma akisussaaffigaa
