Suleqatigiinneq uninnganngilaq

Siumup nuna tamakkerlugu ataatsimeersuarnerani Lars-Emil Johansen oqalugiarnermini oqarpoq, Juliane Henningsenip Høgni Hoydalillu nammineq peqataaffiginngisamini allaffeqarfiup pisortaa soraarsissimagaat, iluarsartuusseqqinnermillu pikkunaaqisumik eqqussisimallutik. Tamanna suleqatigiinnermut ajoqusiivoq, taamaammat Socialdemokratinik suleqateqarneq Lars-Emil Johansenip nukittorsarusuppaa.

Kisianni Juliane Henningsen aamma Høgni Hoydal isumaqanngillat suleqatigiinneq unittooqqasoq, tusagasiutinut allakkaminni taama allapput. Taakku allapput iluarsartuusseqqinnermut aalajangerneq ataatsimiinnermi pisimasoq, tamarmillu ilaasimasut, aamma Lars-Emil Johansen, Juliane Henningsen Høgni Hoydalilu allapput, neriuutigaallu Atlantikup Avannaani Suleqatigiinni politikkikkut sulineq maannamut ingerlasimanermisut ingerlaannassasoq.