Sukap ataatsimeersuarnermut peqataannginnini illersoraa
Nunat avannarliit naalakkersuisunut ilaasortaatitaat arlaqartut Norgep avannaanut Tromsømut ataatsimeersuarnermut Arctic Frontiersimut peqataajartorput, tamannalu sapaatip akunnerani kingullermi pivoq, nunatsinnilu naalakkersuisut atorfilittaminnik peqataatitaqarput.
Namminiilivinnermut naalakkersuisoq oqalugiartussatut qaaqquneqarsimagaluarpoq piffissamili tassani Naalakkersuisut Politikkikkut Ataqatigiissaarineq pillugu ataatsimiimmata Issittumi ataatsimeersuarnermut peqataasinnaasimanngilaq.
AAMMA ATUARUK Ataatsimiititaliap Naalakkersuisut ataatsimeersuarnermi amigaatigigaat
Tromsømi ataatsimeersuarneq Issittumi ataatsimeersuarnerit pingaarnersarigaat, Naalakkersuisunut ilaasortap tusagassiuutinut nalunaaruteqarluni qulakkeerlugu oqaatigaa.
- Ukioq manna Tromsømi Arctic Frontiersimi peqataasinnaannginnera uggornarpoq. Issittumi suleqatigiinneq annertuumik pingaartitaraara, Suka K. Frederiksen oqarpoq, imalu nangilluni:
- Nunanullu Allanut Naalakkersuisuuffiup tiguneranit sapaatip akunneri marluk qaangiutiinnartut Alaskami Fairbanksimi Issittumi Siunnersuisooqatigiit Ministeriisa ataatsimiinneranni peqataallunga, Suka K. Frederiksen tusagassiuutinut nalunaaruteqarluni taama allappoq.
Inatsisartut Nunanut allanut sillimaniarnermullu ataatsimiititaliaata Naalakkersuisut Issittumi ineriartortitsineq pillugu ataatsimeersuarnermut peqataanissaannik ujartuinerisa kingorna taama nalunaaruteqarpoq.