Ataatsimiititaliap Naalakkersuisut ataatsimeersuarnermi amigaatigigaat
Ataatsimiititaliap ilaasortai sisamat ataatsimeersuarnermi peqataapput, tusagassiutinut allakkaminni nunarput qaffasinnerpaamik peqataatitaqanngimmat ajusaarutiginerarpaat.
- Issittumilu ineriartornermut isiginnaartuuginnarata siunnerfilersuinermut peqataasariaqarpugut. Naalakkersuisutigoortumik nunatta peqataatitaqartannginneratigut, ajuusaarnaraluartumik issittoq pillugu oqallittarnerit nunanit issittup avataaniittunit annertuallaamik sunnersimaneqarnerannut peqataavugut, ataatsimiititaliaq allappoq.
Ataatsimeersuarnermi Issittumi ineriartornerup pinngortitamilu pisuussutit illersorneqarnerisa oqimaaqatigiissinneqarnissaat qulequttani pingaarnerupput.
Tassani ineriartornermi pinngortitami pisuussutinik iluaquteqarniarneq ineriartornissamut aningaasatigut tunngavisseeqataasinnaasoq tamannalu ilutigalugu illersorneqarsinnaanera erseqqissaatigineqarpoq.
Ataatsimiititaliap aallartitaasa Naalakkersuisut issittumi najugaqartut issittumut tunngatillugu oqallinnermi peqataatinneqarnissaannik sulissuteqartariaqarnerarpaat.
Arctic Frontiersimi ataatsimeersuarneq Norgemi Tromsømi januaarip 21-anit 23-anut ingerlanneqarpoq.