Ataatsimeersuarneq Arctic Circle soqutigineqarluartoq
Inuit hunnorujulikkuutaat Reykjavikiliarsimanerat tulluusimaarutigeqaa. Taassuma aamma oqaatigaa kingullermik ataatsimeersuartoqarmat 1500-t missaat peqataasimasut, ukioq mannali peqataasut 1900-nit amerlanerusut, nunanit 50-ineersuullutik.
Islandillu illoqarfiisa pingaarnersaanni katersuussimasut assigiinngitsorpassuupput: Naggueqatigiit Inuit Canadameersut, Alaskameersut Nunatsinneersullu, matumani Nunatsinni naalakkersuisunut siornatigut siulittaasuusimasut marluk peqataallutik, maannalu siulittaasoq aamma peqataalluni.
AAMMA ATUARUK Arctic Circle Islandimi ullumi aallartippoq
Suliffeqarfissuit pisortaat, assartuinermillu suliallit, ilisimatuut saniatigut Arctic Circle-imi ataatsimeersuarnermi peqataapput. Nunat assigiinngitsut aallartitaat atorfilittaallu aamma peqataapput, soorlu aamma eqqumiitsuliortut atuakkiortut allaaserinnittartullu allat peqataasut. Nunanit avannarlerneersorpassuit peqataapput, kangianeersullu aamma peqataallutik.
Issittumi ataatsimeersuarnermik aatsaat taama annertutigisumik aaqqissuisoqartoq, Islandip præsidentiata Olafur Ragnar Grimssonip oqaatigaa.
Politikkikkut oqalliffik Arctuc Circle, sapaatiuppat naammassineqassaaq.