Annikitsunik aatsitassarsiornissaq soqutigineqaleraluttuinnartoq

Inatsisartut ukiaanerani 2016-imi ataatsimiinnerisa nalaani annikitsumik aatsitassarsiornermut tunngasumik aatsitassanut ikummatissanullu inatsimmi allannguinissaq akueraat, tamanna annikitsumik aatsitassarsiornissamut suliaqarlersussanullu pitsaasumik sinaakkusiivoq.

- Maannakkorpiaq annikitsumik aatsitassarsiorluni suliassaqarfiup iluani paasissutissanut najoqqutassanik suliaqaleruttorpugut. innuttaasullu ilisimasanik paasinartunik pissarsitinnissaat aammalu pisinnaatitaaffitik pillugit paasisimasaqalersinnissaat pingaaruteqarpoq.”  Aatsitassanut Ikummatissanullu Naalakkersuisoq, Múte B. Egede oqarpoq.

Maannakkorpiaq annikitsumik aatsitassarsiornissamut akuersissutit suliaqarfigineqartut 44-inik amerlassuseqarput qaammatillu pingasut kingulliit iluinnaanni annikitsumik aatsitassarsiornissamut akuersissutit sisamat tunniunneqarlutik.

Peqatigisaanik qinnuteqaatit suli allat marluk tiguneqarput, taakkualu suliarineqaleruttorput.

- Aatsitassanik nunatsinni piiaaneq inuiaat kalaallit iluaqutigissagaat pingaarnerpaavoq. Taamaattumillu nunatsinni innuttaasut aamma aatsitassarsiorfinni suliaqarnerup ineriartortinneqarneranut peqataanissamut periarfissaqarnissaat pingaartippara.

Múte B. Egede oqarpoq.