Stark Tasiilami annertusaasoq
Arctic Business Network nittartakkamini taama allappoq.
Tunumi aqqutilersuutit ukiuni tulliuttuni pingasuni-sisamani piorsaavigineqartussaapput. Minnerunngitsumillu ilaatigut Tasiilami mittarfiliortoqarnissaa ilimagineqarpoq, Tunumilu illoqarfinni piorsaaneq aamma ingerlanneqarluni.
- Tunu aqqutilersuutitigut piorsaanikkut ukiuni aggersuni annertuumik pisoqarfiussaaq, ilaatigut Tasiilami mittarfiliortoqassalluni. Taamaammat najukkami kiffartuussinissaq, siunnersuinissaq atortussanillu pilersuinissaq uatsinnut pingaaruteqarpoq, STARK Kalaallit Nunaat A/S-imi pisortaaneq, Poul Erik Nørnberg, Arctic Business Networkip nittartagaanut taama nassuiaavoq.
Taamaammat STARK-ip sanaartornermi atortussaaniarfiutimi arfinilissaat Tasiilami ammarpaa.