Spaniami qinersisoqareernerani erseqqissumik amerlanerussuteqartoqanngitsoq
Spaniami inatsisartuni avissaartuuttoqarnera sapaammi qinersisoqareernerani suli avissaartuuffiuvoq.
Spaniami nunamut imminut ministereqarfiup qinersinerit 99,9 procentit kisinneqareerneranni kisitsisaatigigallagaat taama takutitsisut, nutaarsiassaqartitsivik dpa allappoq.
AAMMA ATUARUK Spaniami socialistit inatsisartuni qinersinermi ajugaapput amerlanerussuteqalernatilli
Socialdemokraatit partiiat PSOE ministeriunerugallartoq, Pedro Sanchez siuttoralugu qinigaanerpaavoq, taakkulu inatsisartuutitaqarfissat pingasorarterutaat sinnerlugit tigummissallugit.
Nunasiartortunut isorniartut partii talerperlermeersoq, Vox siuariangaatsiarpoq, qinigaatitarisartagaalu marloriaatinngorlutik. Konservativillu partiiat Partido Popular aamma siuariarluni.
AAMMA ATUARUK Inatsisartunut sapaatiuppat qinersineq naligiiffiussasoq
Qinersinermit kisitsisit tamakkerlugit kisinneqangajalerneranni partiini allani amerlanerussuteqartoqarlernissaa ersarinngilaq.
Sanchezip qinersinerup unnukkuani oqalugiarnermini allanngoranngitsumik siuariartortunillu naalakkersuisunik pilersitsinissanik anguniagaralugu oqaatigaa. Nutaarsiassaqartitsivik Reuters taama allaaserisaqarpoq.
