Villa Lorentzen Nuummi Utoqqaat Peqatigiiffianneersoq isumaqarpoq annerusumik akikilliliisoqartariaqaraluartoq. Assi: Qanoqooq

Soraarnerussutisiallit sinersortaammik angalanermi akikilliivigineqarnerorusuttut

Soraarnerussutisiallit Sarfaq Ittummut ilaallutik aasakkut angalasussat 25%-imik akikilliliivigineqassapput. Tamanna Nuummi Utoqqaat Peqatigiiffianni ilaasortanit assigiinngitsunik isummerfigineqarpoq.

Soraarnerussutisiallit siusinaarlutillu soraarnerussutisiallit Sarfaq Ittummut ilaallutik aasakkut angalasussat 25%-imik akikilliliivigineqassapput. Naalakkersuisummi siunnersuutaat Inatsisartunit taperserneqarpoq.

Tamanna Nuummi Utoqqaat Peqatigiiffianni ilaasortanit assigiinngitsunik isummerfigineqarpoq.

- Aalajangereerpat? Sooq taama mikitigaa? Kissaatiginaraluaqaaq anginerunissaa, Villa Lorentzen, Utoqqaat Peqatigiiffianni ilaasortaq oqarpoq.

AAMMA ATUARUK Soraarnerussutisiallit Arctic Umiaq Linemi akikillisaavigineqartut

Akikillisaanissamik Ineqarnermut Attaveqaqatigiinnermullu Naalakkersuisoqarfik umiarsuaatileqatigiiffillu Arctic Umiaq Line isumaqatigiissuteqartuupput.

Angalanissamut akissaqanngillat

Tamannalu ilaasa annikippallaarsoraat:

-Inigisannut akiliiguma, qulliit, kiassarneq, imeq tamakku akiligassat saqqummeraangata annikitsuarannguaq inuuniutigisussanngortarparput. Sipaanngikkutta amigassalluni, Villa Lorentzen oqarpoq.

Sarfaq Ittuk aqqutigalugu Nuummiit Ilulissanut siumut utimullu angalaneq nalinginnaasumik aasakkut 4675 koruuneqarpoq. Neqeroorutigineqartorlu maanna najoqqutaralugu 3525 koruuneqalissaaq. Taamaasilluni 1.150 koruunit sipaarneqassallutik.

AAMMA ATUARUK Sarfaq Ittuk Qaqortumut Narsamullu anngussinnaanngilaq

Akikilliliinerlu ilaasa qujamasuutigaat:

- Isumalerujussuuvoq uannut. Avannaani ilaqutaqarluni. Sualummik Nuumminngaanniit aallaruma Qasigiannguanukarniarlunga, Nuumminngaanniit Ilulissanut pisariaqassuunga imaluunniit Aasiannut. Allamik angallammik ikillunga Qasigianngualiartariaqarpunga. Soorunalimi akeq alla aamma atorlugu. Inger Poulsen Rosbach, Nuummi Utoqqaat Peqatigiiffianni ilaasortaq oqarpoq.

Utoqqarnut Sarfaq Ittuk aqqutigalugu ineeqqamik ammaannartumi aasakkut angalanissamut akikilliliinerusariaqartut, Nuummi Utoqqaat Peqatigiiffiani siulittaasoq Aaninnguaq Falksen isumaqarpoq.

- Immaqa 50 75 taakkua. Utoqqalinersiutinut naleqqutinnginnamik massakkut akiusut, Aaninnguaq Falksen oqarpoq.

Neqeroorutaasorli aamma qujamasuutigineqartariaqarpoq

Taassumali uiata, Utoqqaat Peqatigiiffianni aamma ilaasortaasup 25%-imik akikillisaavigineqartalernissamik neqeroorutaasoq qujamasuutigineqartariaqartoq isumaqarpoq.

- Iluaqutaassaqaaq. Uanga taama isumaqarpunga. Utoqqarpassuit qujassapput, Anthon Falksen oqarpoq.

I lavsæsonen gives der 50 procent rabat til pensionister og førtidspensionister til alle billettyper.

Angallaffiunnginnerpaasuni soraarnerussutisiallit aamma siusinaarlutik soraarnerussutisiallit affaaannarmik akiliillutik angalasinnaasarput.

Ilaasussat soraarnerussutisiallit, siusinaarlutillu soraarnerussutisiallit, akimik tamakkiisumik atuillutik bilitsisereersimasunut, akit assigiinngissutaat Arctic Umiaq Line A/S-imit, utertinneqassapput, tamannalu pillugu Arctic Umiaq Line A/S-imut saaffiginnissuteqartoqarsinnaavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat