Sarfaq Ittuk Qaqortumut Narsamullu anngussinnaanngilaq
Arctic Umiaq Line Facebookimi quppernermini ualeq manna sisamat qaangeraa tanneq sisamanut taama allaaserisaqarpoq.
Kujataani sikorsuaqarnera pissutaalluni Arsummut taamaallaat anngutissaaq, Kangilinnguanilu unnuaanerani uninngassalluni. Avannamut angalanini kingorna nangissavaa, Arsummiit sisamanngornermi ullaakkut arfineq-marlunut avalassalluni.
Ilaasut Narsaliartussat Qaqortuliartussallu attaveqarfigineqarumaarput.
Qaqortumiit Narsamiillu ilaasussaagaluit billetsitik allanngortissavaat, info@aul.gl-imulluunniit allallutik billetsinut aningaasartuutitik utertissinnaallugit.
Pisoq Arctic Umiaq Linep ajuusaarutigaa, Qaqortumullu Narsamullu sapaatip-akunnerata tulliani angalasinnaanissartik neriuutigalugu.