Ateq: Sofia Geisler
Partii: Inuit Ataqatigiit
Ukiut: 56-it
Ilinniagaq: Tusagassiortoq/Erhvervsøkonom/Coach/Naapeqatigiissitsiniaasartoq
Suliffik: Inatsisartunut ilaasortaq
Inuttut inissisimaneq (ilaquttat/qitornat):
Sunngiffimmi soqutigisat: Pisunneq
Folketingimut qinigaassaguit pingaarnertut sulissutigerusutatit pingasut suuppat?
Qallunaat Nunaat, Nunat Avannarliit nunarsuarmioqatigiillu sila pillugu suleqatigiinnerannut Nunatta suli annerusumik akuulernissaanut ataqatigiissumik aqqutissiuusseqataaneq. Ilisimasassagut amerlanerit atorfissaqartippagut siunissamut naleqqussartariaqaratta.
Qallunaat Nunaanni ilinniaqqinnissanut periarfissatta aalajangiusimanissaat ineriartortinnissaallu. Taakkununnga ilaalluni aallartisaasutut piukkunnarsarnissaminnut inuusuttut Danmarkimi Nunanilu Allani periarfissaannik ukkatarinninneq.
Avataaniit Nunatsinnut nunasiniartut suliartorniartulluunniit suliassartaata Nunatsinniit akisussaaffigineqalernissaa. Nammineerluta aqussavarput atorfissaqartitsinerput / atorfissaqartitsijunnaariartornerput najoqqutaralugu naleqqussartassallutigu.
Kalaallit Danmarkimi najugaqartut pitsaasumik inuuneqarnissaat qanoq ilillutit qulakkeerinneqataaffigisinnaaviuk?
Suliassaq imaannaanngitsoq nalunngilara. Pingaarnerpaat ilaagat inuiaqatigiinnut akulerunnissamut aqqutissiuusseqataaneq, suliffeqarnikkut allatigulluunniit sulinermut akuulersitsinermik malitseqartumik. Danmarkimi Kommunet Folketingelu aqqutigalugit iluaqutaasinnaasunik anguniagaqarneq, Inuit Ataqatigiit ingerlateriigaat ingerlateqqissavara. Avaqqunneqartussaanngillat Nunatsinni pisortat ingerlataat pinngitsooratik akuusariaqartut piffissaagallartillugu iliuuseqarnissaq siunertaralugu.
Folketingimut qinigaassaguit statministerissatut sorleq tapersersussaviuk?
Inuit Ataqatigiinniit sioqqutsilluta kina ministeriunertut piukkunnerunerlugu nalunaaruteqanngilagut. Naalakkersuinikkut pissutsit aallaavigalugit, qinersinerup inernera nunatsinnut ilaqutaanerusoq angujumallugu atorluarniarsarissavarput. Danmarkimi partiit nunatsinnut ilauqutaasussamik siunertaqartut tamaasa suleqatigerusuppagut.
