Socialdemokraatit Merkelimut akuersisut
Socialdekraatinit SPD-mit aallartitani 600-t missaaniittuni amerlanerussuteqartut Angela Merkelip partiia CDU taassumalu suleqataa CSU naalakkersuisoqatigiinnut isumaqatigiissuteqarnissamut isumaqatiginninniarnerit nanginnissaannut sapaatiummat akuersissutigaat.
Partiip immikkut ittumik Bonnimi ataatsimeersuarnerani tamanna pisoq, nutaarsiassaqartitsiviup Reutersip allaaseraa.
SPD-ip siulittaasuata Martin Schulzip naalakkersuisoqatigiittoqarnissaanut missingiutip akuersissutigineqarnissaa kaammattuutigaa.
AAMMA ATUARUK Merkel socialdemokraatillu naalakkersuisunngortitsinissamut piareerput
Taannalu akuersissutigineqarmat partiip siulittaasuanit naammagisimaarneqarpoq. Tyskit naalakkersuisoqalernissartik pisarnermit sivisunerusumik utaqqisariaqarsimavaat.
SPD-p qinersisoqarnerani kinguariarujussuarnerani Merkel CSU-lu naalakkersuisoqatigiunnaarniarlugit aalajangernera tamatumunnga pissutaavoq.
Naalakkersuisunilli pilersitsisoqassappat naalakkersuisoqatigiiginnartariaqartut paasinarsimmat partiimeersut isummatik allanngortippaat.
- Qinerseqqinnissaq aqqutissaanngilaq, immikkut ittumik ataatsimiittoqarnerani partiip siulittaasua oqarpoq.
Naalakkersuisoqatigiillu tunngavissaat isumaqatiginninniutigineqaqqaartariaqarpoq. Tassalu Tyskland apriilip tungaanut naalakkersuisoqanngikkallarsinnaavoq.
AAMMA ATUARUK Merkelip kinguariarnera qinersinermi uppernarsarneqartoq