Assi: Siumut Folketingimi

Socialdemokraatit isornartorsiunerat Aleqap ilumuunnginnerarpaa

Socialdemokraatit gruppianni siulittaasup Henrik Sass Larsenip Aleqa Hammondimik ippassaq ataasinngornermi isornartorsiunera, Folketingimi attaviitsup Aleqa Hammondip nittartakkamut Sermitsiaq.AG-mut ilumuunnginnerarpaa.

Sass Larsen naapertorlugu, Hammondip Folketingimi Kalaallit Nunaannut tunngasunut ataatsimiititaliami siulittaasunngornissamik Venstremut isumaqatigiissuteqarnermigut qinersisiminik sumiginnaavoq.

Akerlianilli pisoqartoq, Aleqa Hammondip oqaatigaa:

- Venstre isumaqatigiissuteqarfigaara taasisinnaanera tamarmik pisariaqartikkaat ilisimaaralugu, taama oqarpoq nangillunilu:

- Inissisimaffik sunniuteqarnissarlu annerpaaq angujumallugit periarfissaq atorluarpara, isornartorsiuineq qisuariaateqarfigalugu taama allappoq.

AAMMA ATUARUK Socialdemokraatit: Aleqamut tatiginninneq annikillivoq


Venstremut isumaqatigiissut naapertorlugu, suliani danskit naalakkersuisuisa ingerlaannarnissaannut pingaartutilinni Aleqa Hammond taaseqataasassanngilaq. Socialdemokraatillu isumaqarput tusagassiuutini saqqumilaarniaannarluni taamaaliortoq.

Danskit naalakkersuisuisa qanoq pineqarnissaat aalajangiiffiginiarlugu Folketingimiinnani Hammondip Sermitsiaq.AG-mut oqaatigaa.

- Danskit partiivisa ministeriunertik uppisinniarsarilerpassuk namminneq taamaaliorsinnaapput, uangali nunatta sunniuteqarfissaa annerpaaq anguniarlugu assoroorpunga uppisitsiniaajartorlunga sulinngilanga.

AAMMA ATUARUK Partiit saamerliit Aleqa Hammond suleqatigiunnaaraat

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat