Sms-imik peqataasut amerlangaarmata atortut artukkerlugit

Tallimanngorneq maajip 29. Tallimanngorneq Unnuppaat Man KNR-ip naggammik aallakaatimmagu, tassani video-nik unammisitsinermi sms-ikkut taasisoqarmat, isiginnaartut ilaat misigisimapput sms-ikkut nassiutaminnut ingerlaannartumik akineqaratik.

Sms-it KNR-ip aamma TELE-POST naatsorsuutigisaannit akulikinnerusumik nassiussorneqarput, akineqartarnerilu assut arriillilluni. Sms-it ataatsikkoortut aatsaat taama amerlatigisut tigooqqarpagut, tamakkulu atortut arriillisippaat. Sms-it 20.000-it minutsit 10 missaasa ingerlanerini nassiussorneqarput, taavalu aallakaatitsinermi unammisitsinermi aammalu video-mik ajugaasumik taasinermi makitsinermilu sms-it katillugit 34.523 nassiunneqarlutik.

Taamatut pisoqaqqissanngilaq

Taamaattoq aallakaatitsinerup nalaani sms-it nassiunneqartut tamarmiusut eqqortumik tiguneqarput, naak nassiussisut tamarmik erniinnaq akineqanngikkaluarlutik. Isiginnaartut sms-imik nassiussinerminni tiguneqanngitsutut misigisut TELE-POST-ip aamma KNR-ip utoqqatserfigissavaat, iluarsiissutissarlu TELE- POST-ip maanna sulissutigaa, tullissaani amerlassutsinik naammassisinnaasat aporfiunnginnissaat pillugu atortut ilaneqarlutik. 

Tallimanngorneq Unnuppaat Man-ip immikkoortortaqarfianut knr.gl/unnuppaatman alakkarlutit aallakaatitaq takoqqissinnaavat:

http://knr.gl/kl/tv/tallimanngorneq-unnuppaat-man/tallimanngorneq-unnuppaat-man-29052015