Qinersisartunik isumasiuineq parteeqqanut tusarluarnartoq

Atassut, Suleqatigiissitsisut Nunattalu Qitornai tamarmik Inatisartuni ataatsimik ilaasortaatitaqalissasut marlunngorpat qinersisoqartinnagu isumasiuinerup kingulliup tamanna ersersippaa.
Allattoq Kenneth Elkjær
apriilip 20-at 2018 11:26
Nutserisoq Erna Lynge

Partiit pingasut tamarmik qinersinissamut atsiornernik naammattunik katersipput, maannalu ataatsimik immikkut Inatsisartuniititaqalernissartik naatsorsuutigisinnaagaat, isumasiuinerup kingulliup HS Analysip KNR-imut Sermitsiaq.AG-mullu suliaata takutippaa.

Partiit taakku pingasut immikkut ataatsimik ilaasortaatitaqalissapput. Isertitassaalli assigiinngitsunik periarfissaqarput. Atassut 5,2 procentinit, Partii Nunatta Qitornai 3,6 procentinit Suleqatigiissitsisullu Partiiat 2,9 procentinit tapersersorneqarput.

AAMMA ATUARUK Demokraatit siuariaateqarujussuassasut

Allatut oqaatigalugu, Atassut Suleqatigiissitsisullu Partiiat marsip qaammataani isumasiunermut siullermut naleqqiullugu siuariartut, Vittus Qujaukitsoq aamma Nunatta Qitornai 1,2 procentimik kinguariartoq.

Michael Rosingip partiia Suleqatigiissitsisut partiiat qilanaajaarpallaassanngillat. Taasinerimmi amerlanngitsut nikiallappata marlunngorpat qinersinermi Inatsisartunut isertitsinngitsuussapput.

Atassut sinerissami nuannarineqarpoq, Partii Nunatta Qistornai angutinit nunaqarfimmiunit taagorneqartut. Suleqatigiissitsisulli qinersisaat Nuummiuunerupput, tassani Partii Demokratinit tigooqqaammat.

AAMMA ATUARUK IA kinguariaateqassaaq – siuttunngussallunili

 

 

Aamma atuaruk