Politikki

Isumasiuineq nutaaq: IA kinguariaateqassaaq – siuttunngussallunili

Isumasiuneq nutaaq naapertorlugu Inuit Ataqatigiit taaguunneqarnerat kinguariaateqassaaq. IA-kkulli partiit annersarilissavaat, Siumukkormiunummi qinersiniartut aamma ikileriaateqassammata.

Allattoq Kenneth Elkjær

apriilip 20-at 2018 06:47

Nutserisoq Knud Reimer

Qineqqusaarnerli aatsaat sukaruttorpoq, qinersisartummi sisamaagaangata ataaseq sorlermut qinersinissani suli aaliangiussimanngimmagu.

Nunatsinni partiit annersaat marluk 2014-imi qinersinermut naleqqiullugu ikinnerusunik taaguunneqartussanngortut KNR-i Sermitsiaq.AG-lu sinnerlugit HS Analysep qinersisartunik isumasiutitsinerata takutippaa.

Sara Olsvigili Inuit Ataqatigiillu nuannaaginnarsinnaapput, tassami Siumukkormiut Kim Kielsen siuttoralugu IA-kkormiunit procentialunnik katanneqareersimasut malunnarsimmat.

IA-kkormiummi 31 procentiniit taaguunneqqarniarput massa Siumukkormiut 27,4 procentiniit taaguunneqassamaartut qinersisoqanngilaattaani isumasiuinerit aappaata kingulliusullu takutippaa.

AAMMA ATUARUK IA aamma Siumut naligiipajaartut

IA-kkormiullu amerlanerussuteqalissagaluarpata nutaamik naalakkersuisoqatigiiliortitsinissamut siuttuunissaat ajorinngikkini Kim Kielsenip AG-mi sapaatip akunnerani uani saqqummersumi ersarissumik oqaatigereerpaa.

Qinersisartunik isumasiuititsineq apriilip 11-ianiit 15-iata tungaanut ingerlanneqarmat innuttaasut 723 akissuteqartuupput. Qinersisartulli sisamaagaangata ataaseq sorlermut qinersiniarnerluni suli.

Nutaarsiassami kukkunermik nassaarsimaguit uunga allaffigineqarsinnaavugut.

Isumasiuineq nutaaq: IA kinguariaateqassaaq – siuttunngussallunili

Aamma atuaruk