Qinersineq IA aamma Siumut naligiipajaartut
Inuit Ataqatigiikkormiummi ullumi qinersisoqartuuppat 2014-imi qinersinermut naleqqiullugu 0,2 procentinik amerlanerulaartunik qinerneqassangaluarput, Siumukkormiullu 2,1 procentinik ikileriaateqassangaluarlutik.
Taamaattoqassangaluarpat apriilip 24-iani qinersisoqareerpat IA-kkormiut naalakkersuisuutitaqalissangaluarput.
Partiimmi taakku marluk HS Analysep isumasiunera naapertorlugu tamarmik immikkut 11-nik inatsisartunut qinigaatitaqassangaluarput, ullumikkutuullu Partii Naleraq naalakkersuisooqatigisinnaassagunikku inatsisartuni inissat 31-iusunit 25-it pissarsiarissangaluarpaat.
Maannakkulli naalakkersuisooqatigiiusut suleqatigiinniarnerat ajornartorsiorfiusoq ilisimavarput, qinersisoqareerpallu Inuit Ataqatigiikkormiut Siumukkormiullu naalakkersuisooqatigiiliornissaannut tamarmik periarfissaqalissagaluarlutik.
AAMMA ATUARUK Inuit Ataqatigiit anginerpaanngortut
IA-kkormiut Demokraatit Atassutikkullu kattussinnaagunik 16-nik katillutik isertitaqarlutik naalakkersuisooqatigiiliorsinnaangaluarput. Taamatut IA-kkut Demokraatillu suleqatigiissinnaanerat takornartaanngilaq, taakkumi 2009-miit 2013-ip tungaanut naalakkersuisooqatigeereermata.
Aamma Siumukkormiut taamatorluinnaq periarfissaqarput. Tassami Siumukkormiut,Demokraatit Atassutikkullu 2014-imiit ukiut marluk suleqatigeereermata.
Aamma Kim Kielsen ilanilu Partii Nalerarmiut Vittus Qujaukitsullu partiiliaa Nunatta Qitornaaneersut ataatsimik isertitaqartussaarpasittut suleqatigalugit naalakkersuisooqatigiiliornissamut periarfissaqarput. Tamannali anguneqassappat, taava Atassutikkormiut ilanngullugit katillugit 16-inik isertitaqarlutik naalakkersuisooqatigiiliortariaqassapput.
AAMMA ATUARUK IA aalisarnermut inatsisissakkut angusarissaarusupput pilersaarummili suli saqqummiussinngilaat
| Partier | Marts 2018 | Qinersineq 2014 | +/- |
Marts 2018 |
Qinersineq 2014 (Mandater) |
+/- |
| Atassut | 4,1 | 6,6 | - 2,5 | 1 | 2 | - 1 |
| Demokraterne | 12,6 | 11,9 | + 0,7 | 4 | 4 | |
| Inuit Ataqatigiit | 33,7 | 33,5 | + 0,2 | 11 | 11 | |
| Partii Naleraq | 10,6 | 11,7 | - 0,9 | 3 | 3 | |
| Siumut | 32,6 | 34,7 | - 2,1 | 11 | 11 | |
| Partii Nunatta Qitornai | 4,6 | - | + 4,6 | 1 | - | + 1 |
| Samarbejdspartiet | 1,8 | - | + 1,8 | 0 | - | |
| Ialt | 100% | 100% | 31 | 31 |
