Politikki

QINERSISARTUNIK ISUMASIUINEQ Inuit Ataqatigiit anginerpaanngortut

Qinersisartunik isumasiuineq nutaarluinnaq, aviisip Sermitsiap ullumikkut saqqummiussaa, ullumikkut qinersisoqaraluarpat Inuit Ataqatigiit Partii Nalerarlu partiini kisiartaallutik siuarnissaannik takutitsivoq.

Allattoq Karsten Sommer

novembarip 25-at 2016 06:12

Nutserisoq Simon Uldum -

Inuit Ataqatigiit 2,4 procentinik 35,9 procentinut siuariarpoq, taamaalillunilu Siumumit anginerulerluni, Siumullu 1,2 procentinik kinguariaateqarluni 33,5 procentinit qinerneqassagaluarpoq.

Partiilli anginerit marluusut qinigaatitaannut tamanna sunniuteqanngilaq, tamarmimmi aqqanilinnik suli qinigaatitaqassammata.

Qinersisartunilli isumasiuinerup, Sermitsiaq sinnerlugu HS-Analysemit ingerlanneqartup, takutippaa Partii Naleqqap qinigaatitai ataatsimik ilassasut sisamanngorlutik, Atassullu marlunnik qinigaatitaqartoq ataasiinnarmik qinigaatitaqalissasoq.

Demokraatit 0,3 procentimik siuariaateqalaarput, partiillu illuatungiliuttuusup qinigaatitai sisamaasut allannguuteqanngillat.

HS Analysep naalakkersuisooqatigiit nutaat pilersinneqarnerisa kingorna novembarip qaammataani inuit 18-ileereersimasut 709-t oqaloqatigisimavai.

Qinersisartunik isumasiuineq nutaaq pillugu allaaserisaq Sermitsiami ullumikkut saqqummersumi atuarneqarsinnaavoq.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.