Politikki

Isumasiuineq: Demokraatit siuariaateqarujussuassasut

Demokraatit taaguunneqarluarnissaat ilimanarluartoq KNR-ip Sermitsiaq.AG-llu HS Analysemeersunit isumasiuititsinerisa kingulliup takutippaat.

Allattoq Kenneth Elkjær

apriilip 20-at 2018 08:26

Nutserisoq Knud Reimer

Demokaatimmi qinersisartut tallimaagaangata ataatsimiit qinerneqartussaasut isumasiuitsinerup kingulliup takutippaa. Isumasiuititsinerlu eqqutissappat Demokraatit Inatsisartuni qinersereernermi arfinilinnik isertitaqassapput, tassa qinersinermut kingullermut naleqqiullugu marlunnik amerleriaateqassalutik.

Partiit annersaasut marlunniit tassa Siumumiit Inuit Ataqatigiinniillu 2014-imi qinersinermi qinersisimagaluartut Demokraatinut nussortussanngortut isumasiutitsinerup takutippaa.

Randi Vestergaard Evaldsen taassumalu qineqqusaaqatai innuttaasut eqimattakkaani marlunni nuannarineqaqaat. Tassa qinerserngaartussaniit inuillu aatsaat maanga nunasisimasunit taaguunneqarnerussamaarlutik.

Aamma qinersisartut Nuup avataaneersunit Demokraatit aatsaat taama nuannarineqartigipput.