Skakklubbi utertuartoq

Periuseq taanna ukiut qulit matuma siorna aallartippoq, taamanikkut Qaqortumi pissartanngorniuttoqarluni, islandimiullu taamanimiilli uteqattaartualerput. Meeqqat 99-init ikinnerunngitsut Illoqqortoormiuni ippassaq pissartanngorniupput, Islandimilu klubbimi siulittaasoq, Hrafn Jökulsson, oqarpoq, skakkerneq pimoorunneqaleriartuinnartoq.

- Islandip Kalaallit Nunaatalu qanittumik ataqatigiinnerat upperaarput, kalaallillu qanilluinnartumik ikinngutitut isigaavut. Meeqqat skakkernermik ilinniartippavut, nunalli taakku marluk suleqatigiissinnaanerat uppereqaarput, Hrafn Jökulsson oqarpoq.

Qaqortoq ataasiaannarluni tikinneqarpoq, klubbili Tunumut ukiuni tulliuttuni angalajuartalersimavoq, Tasiilami nunaqarfiinilu unammisarsarsimalluni. Illoqqortoormiunullu ukioq-manna tassa angalapput, islandimiuaqqat tunumiunik unammiartoqqusisimallutik. 

Skakklubbip tikeraarnera Kommuneqarfik Sermersooq kiisalu Nunafonden suleqatigineratigut pisinnaasimavoq.