Siverth K. Heilmann sulilluni naggataartoq: Qasullungalu qujamasuppunga
Taanna inatsisartunut – imaluunniit taamani Landstingimik taaguuteqartumut – 1995-imi qinigaavoq.
Politikeri 71-inik ukioqarpoq, taannalu ullaap tungaani nalunaaqutaq aqqanermut Inatsisartuni oqaaseqartarfimmit qujassuteqarpoq. Siverth K. Heilmannimi (Atassut) nunatta politikkianit – soraarninngorniarpoq.
Taanna Qeqqata Kommuniani aamma borgmesteriuffigisimasamini qinikkatut suliinnassaaq.
- Qasuvunga, kisianni qujamasuppunga, taanna KNR-imut oqarpoq.
Siverth K. Heilmann politikeritut ukiuni 39-ni sulivoq, maannali unittariaqarpoq.
- Inatsisartunit maanna tunuarpunga, ilaqutseriniarlunga. Meeqqakka oqartartarput: Ataata unittariaqarputit, naammappoq. Peqqitsillutik aalalluarsinnaatillutillu unigit, taanna oqaaseqartarfimmit upernaakkut ataatsimiinnermi ulloq kingulleq oqarpoq.
Taanna politikerit allat ersaattaattut oqaaseqartarfimmit aqqarpoq. Taanna Maniitsumut aqagu aallassaaq, najukkamilu qinikkatut suliinnassalluni.