Politiit ullormut nalunaarutaat: Ukiukitsumik kinguaassiuutitigut atornerluineq misissuiffigineqartoq
Kalaallit Nunaanni Politiit ukiukitsumik kinguaassiuutitigut atornerluineq, ataasinngornermi unnerluutigineqartoq pillugu suliaq misissuiffigigitsik marlunngornermi ullaakkut paasissutissiissutigaat.
Politiit meeraq eqqarsaatigalugu suliami paasissutissat annerusumik oqaatigisinnaanngilaat. Tassunga tigusarinnittoqarsimanersoq, pasisaqartoqarnersoq nunattaluunnit suanit unnerluutiginnittoqarnersoq ilanngullugit.
- Suliamilli taama ittumik misissuiffigisaqartugut innuttaasut ilisimassavaat, pigaartut pisortaat, Aputsiaq Hansen oqarpoq.
Sunngiffimmi ornittakkamut tillinniartoqartoq
Suliaq taassuma saniatigut sapaatip ataasinngornerullu akornanni unnuami tillinniartoqarsimasoq ataasinngornermi ullaakkut nalunaarutigineqarpoq.
Pinerluuteqartut ilisimaneqanngitsut Uummannami sunngiffimmi ornittakkamut kuupeeq atorlugu isertoqarluni tillinniartoqarpoq, suliaq taanna politiinit aamma misissueqqissaarfigineqartoq, pigaartut pisortaata paasissutissiissutigaa.
Sapaatip ataasinngornerullu akornanni unnuami qassinut tillinniartoqarsimanersoq, pigaartut pisortaata oqaatiginngilaa.
Taakku pisut saniatigut angerlarsimaffinni eqqissiviilliornerit ullormut nalunaarusiani aamma initusut pigaartut pisortaata eqqaavaa.
