Siuttut pingasut qulimiguulimmik Nunatarsuarmukartut
Nalunaaqutaq 15.20 nutarterneqarpoq
Franskit præsidentiat, danskit ministeriunerat Naalakkersuisullu siulittaasuat qulimiguulimmiut ilaallutik Utoqqarmiut Kangerluarsunnguanut erngup nukinganik nukissiorfik alakkartussaagaluarpaat, Emmanuel Macronilu tikippat qulimiguulimmik Ilulissat Kangianut alakkaasussaaluarlutik.
Nuummili putsernera pissutigalugu pilersaarut allanngorpoq.
Taasiullugulu naalakkersuisut siuttui pingasut toqqaannartumik fregatimut Niels Joelimukarput, tassanilu sillimaniarneq suleqatigiinnermullu politikki oqaluuserissavaat.
Kangerluk qulangerlugu qulimiguulimmik angalaarneq
Naalakkersuisut siuttui Nuup kangerluani Nunatarsuarmukarlutik pingasut nalunaaqutaq pingasut qeqqalersoq qulimiguulimmik qangattarput. Sermitsiaq.ag taama allaaserisaqarpoq.
Siulittaasut pingasut tassani sumiiffimmi silap pissusiata allanngoriartornerata kinguneri tusagaqarfigissavaat. Angalanerat qanoq sivisutigissanersoq qulakkeerlugu ilisimaneqanngilaq.
Nuummi inuit naalakkersuisunik pingasunik takunnikkiartorlutillu qulimiguulik qangattartoq isiginnaariartoraat, KNR-ip ilanngutassiortuisa oqaatigaat.
