Frankrig Nuummi sinniisoqarfimmik ammaaniartoq: -kisimiinngilasi

-Frakrigip qaninnerujumallusi, Nuummi sinniisoqarfimmik ammaaniarpoq, sissiukkami Nuutoqqamiittumi tusagassiortunik katersuutsitsisoqarmat, Franskit præsidentiat Emmanuel Macron oqarpoq, nangillunilu:

-Kisimiinngilasi iligaassi tatigisinga, Macron oqarpoq.

EU-mit taperserneqarnerput assigalugu ikioqatigiittoqarnerani naqissuserlugu Frankrig tapersersuisoq oqaatigaa.

Taamatuttaaq Kalaallit Nunaata nunanit allanit soqutigineqarnera pillugu, qeqertaq pineqartoq akiginiaganngitsoq oqaatigaa.

-Kalaallit Nunaat tiguarneqarsinnaanngilaq imaluunniit pisiarineqarsinnaanngilaq, præsidenti oqarpoq.

Oqaluttuarisaanermi siullermeerluni

Amerkiami oqartussat Kalaallit Nunaata inissisimanera nunarsuatta illersornissaanut pingaaruteqarnerarlugu oqaaseqareersullu, aatsaavissuaq oqaluttuarisaanermi Franskit præsidentiannit tikeraartoqarpoq.  

Makronip tikeraarnera europami ataatsimoornitsinnik naqissusiinerusoq Mette Frederiksen oqartoq, Jens-Frederik Nielsenip Kalaallit Nunaata tatineqarnerata nalaani taama tapersersuiartortoqarnera qutsatigaa.

Emmanuel Macronip tusagassiortunik katersuuffimmi naggasiilluni ima oqarpoq:

- Kalaallit Nunaat atammersorli, Danmark atammersorli, ikinngutigiinnerput atammersorli, Europa atammersorli.