Macron, Mette, Jens-Frederillu tusagassiortunik maanna katersortitsisut

Naalakkersuisut siulittaasuat, Jens-Frederik Nielsen franskit præsidentiannut tikilluaqqusilluni Frankrigillu nunatsinnut tapersersuineranut qanoq qujamasutsiginerluni aallarniivoq.

- Kalaallinit kalaallillu naalakkersuisuinit qujanaq. Siunissami qaninnerusumik suleqatigiilernissatsinnut qilanaarpunga, Jens-Frederik Nielsen oqarpoq.

Emmanuel Macronilu tikeraarsinnaanerminut qujassuteqarluni oqaaseqarpoq.

- Kalaallit Nunaat pisiarineqarsinnaananilu tiguarneqarsinnaanngilaq, taanna oqarpoq. Frankrigillu Kalaallit Nunaanut illersuisutut inissisimasoq naqissuserlugu.

- Frankrigip qaninneruniarlusi Nuummi sinniisoqarfimmik ammaanissani aalajngerpaa, præsidenti oqarpoq.

- Kisimiinngilasi. Peqatigaassi, qularutigissanngilarsi, Emmanuel Macron oqarpoq.

EU-p Frankrig assigalugu Kalaallit Nunaat aamma peqatigigaa, præsidentip arlaleriarluni oqaatigaa.

- Kalaallit Nunaat atammersorli, Danmark atammersorli, ikinngutigiinnerput atammersorli, Europa atammersorli.

Emmanuel Macron tusagassiortunik katersortitsinermi naggasiivoq. Nunatsinnullu 'kusanartumut' tikeraarnissamut periarfissaqarnerminut qujassuteqaqqilluni.

Qujassuteqaqqittoq

Mette Frederiksen siuttunit pingasunit kingulliulluni oqaaseqarpoq. 

- Qujanaq maani peqatigigatsigut, taanna Emmanuel Macronimut oqarpoq.

Taassuma taakku pingasut ullumikkut ataatsimiinnerat sillimaniarnermut tunngassuteqarsimasoq oqaaseqarnermini oqaatigaa.

Præsident Macronip Trump ataasinngorpat ataatsimeeqatigissagaa

KNR apeqquteqartuni aallarniivoq.

Kalaallit Nunaannut ullumikkut tikeraarnerit amerikamiut præsidentiannik, Donald Trumpimik aqagu ataatsimeeqateqarnissannut qanoq sunniuteqassava?

- Siunissami pitsaanerusumik suleqatigiinnissamut pilersitsinissamik periarfissaqarnera pillugu neriuuteqarluarpunga, ajortisaarinerunngitsorlu, taanna oqarpoq.

Taassumalu Donald Trump aqagu oqaloqatigiguniuk nunarput nuannaarutiginnittumik oqaluuseriniarlugu oqaatigaa.

Frankrigip USA iligisutut suli isigineraa pillugu DR kingulliulluni apeqquteqarpoq.

Iligiillutillu taassuma naalakkersuisut siulittaasuisa pingasut Nuummi Nuutoqqamit ingerlaqqinnginneranni oqaatigaa, tusagassiortunillu katersortitsineq naammassivoq.