Siunnersuisoqatigiit: Inissialeeqqiissut innaallagiaqartassaaq
Inigisaminnit anisitaasunut inissialeeqqiinermi inissiap qanoq atortulersugaanissaa piumasaqaatitaqaranilu nakkutigineqarneq ajorpoq. Inuit Pisinnaatitaaffii pillugit Siunnesuisoqatigiit nalunaarusiaminni taama allapput.
Ini A/S-p inissialeeqqiinermi inaatai innaallagiaqartarput.
AAMMA ATUARUK Siunnersuisoqatigiit: Inissialeeqqinnermi ilaqutariit meerartallit immikkoortariaqarput
Inissiaatileqatigiiffiulli Kommuneqarfik Sermersuup pigisaata Iserit A/S-ip, inissialeeqqiinermi inaataani inip innaallagiaqarnissaa piumasaqaataanngilaq. Tamannalu allanngortittariaqartoq, inuillu tamarmik assigiimmik pitsaassusilimmik ineqartariaqartut siunnersuisoqatigiit isumaqarput.
- Init inissialeeqqiinermi atorneqartut pitsaassutsimikkut minnerpaaffissalernissaat uani inassutingaarput. Tassa: Imeqassasut, kiassarneqassasut, innaallagiaqassasut, anartarfeqassasut uffarfeqarlutillu, Inuit Pisinnaatitaaffii pillugit Siunnesuisoqatigiit siulittaasuat, Sara Olsvig oqarpoq.
Utoqqaat najugaqarfii
Taakkua nunaqarfinni illoqarfinnilu inukinnerusuni utoqqarnut najugaqarfiliortiternissaq inassutannut aamma ilaavoq.
- Ukiut ingerlaneranni utoqqaat amerliartuinnavissasut nalunngilarput. Aamma
nunaqarfinni illoqarfinnilu inukinnerusuni tamani utoqqarnut inissianik naammattunik naleqquttunillu soqanngilaq, Sara Olsvig oqarpoq.
AAMMA ATUARUK Aasianni inissiat portusuut nutaat: Inissianik nutaanik 60-inik sanaartortoqassasoq
Utoqqaat 65-it sinnerlugit ukiullit ukioq 2040-mi 7000-init amerlanerussasut Naalakkersuisut kisitsisaatiminni ilimagaat.
Inuit Pisinnaatitaaffii pillugit Siunnesuisoqatigiit utoqqaat ukiut tamaasa qanoq amerlatigisut najugaqarfitsik qimallugu nuuttariaqartarnersut kisitsisaatiginngilaat.
Nalunaarusiaq uani atuarsinnaavat