Siumut: Sara iluatsitsilluarna

Inuit Ataqatigiit Folketingimut qinigassanngortitaat - sisamanngorpallu qinigaasussatut ilimagineqartoq - qinersinermi iluatsitsilluarnissaanik Siumup Inuusuttunut Suleqatigiiffiata maanna kissaappaa.

Tamanna immaqa tupaallannartoqarsinnaavoq - aammali kisianneqarluni.

Siumup Inuusuttunut Suleqatigiiffianit oqaatigineqarpoq, Sara Olsvig suliniaqatigiiffiup ilaasortaasa allattorsimaffianiittoq.

- Nuummi SIS-mut ilaasortaanini suli attammagu nuannaarutigaarput, naak IA sinnerlugu qinigassanngortikkaluarluni. Qinigaassagaluarpat siulersuisunut siunnersuutigilersaarpara ataqqinaammik ilaasortanngornissaanik neqeroorfigineqassasoq, Nuummi SIS-imeersoq, Kaalinnguaq Siegstad allappoq.

Taamaattorli Siumup Inuusuttunut Suleqatigiiffianut ilaasortaasimaneragaanini Sara Olsvigip tunnuartilluinnarpaa.

- SIS Nuummut ilaasortaasimanngisaannarpunga. Isumasioqatigiinnermut Siumup Inuusuttunut Suleqatigiiffianit aaqqissuunneqartumut ICC peqatigalugu qaaqqusaanikuuvunga, tassatuaavorlu Siumukkormiunut attaveqaatituarisimasara, Sara Olsvig Radioaviisimut oqarpoq.

Tamannali Siumukkormiunik attaveqarsimannginnermik isumaqartariaqanngitsoq oqaatigaa nangillunilu:

- Folketingemi Lars-Emil Johansenimut allattaanikuusunga ilisimaneqarpoq, kisiannili Aleqa Hammondimut 2010-mi aasaanerani nalunaarutigaara, Siumup politikkia tapersersorsinnaajunnaarlugu, IA-miit qinigassanngortittoq oqarpoq, paasitillutalu tassunga tunngasoq piffissaajaatigeqqinnianngikkini. 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat