Siumut politikkikkut nutaamik oqaaseqartartoqalertoq

Siumut politikkikkut nutaamik oqaaseqartartoqalerpoq.

Martha Lund Olsenip Naalakkersuisuni tunuarnermini Inatsisartunut ilaasortanngoqqippoq.

Tassalu Jens Erik Kirkegaard Inatsisartuni ilaasortaajunnaarpoq. Kirkegaard Martha Lund Olsenimut sinniisuulluni ilaaasortaanermini, politikkikkut oqaaseqartartutut inissisimavoq.

Parti taamaammat nutaamik oqaaseqartartussarsiorpoq, Karl-Kristian Kruselu toqqagaalluni oqaluttuarpoq.

- Siumut sinnerlugu oqaaseqartartunngorpunga, Karl-Kristian Kruse taama oqarpoq.

AAMMA ATUARUK Martha Lund Olsen oqarasuaatikkut naalakkersuisuujunnaarpoq

Martha Lund Olsenip naalakkersuisutut tunuarneratigut  Jens Erik Kirkegaardillu Inatsisartunut ilaasortaajunnaarneratigut, parti politikkikkut oqaaseqartartussamik allamik toqqaasariaqalerluni.

Karl-Kristian Kruselu tassa toqqarneqarpoq, ilaatigullu misilittagaqarnera matumani pissutaasoq taanna isumaqarpoq.

- Oqaaseqartartuuneq siornatigut misilittagaqarfigivara. Aamma massakkut oqaaseqartartup tunuarnerani oqaaseqartartuusinnaanera neqeroorutiginikuuaa, tamannalu taasinikkut inissinneqarpoq, Siumup politikkikkut oqaaseqartartua, Karl-Kristian Kruse taama oqarpoq.

AAMMA ATUARUK Martha Lund Olsen Naalakkersuisuujunnaarpoq