Siumut: Jens B. Frederiksen kukkusunik paasissutissiivoq
Siumup qanoq ililluni kisitsit taakkua pissarsiarisimanerai, Ineqarnermut Naalakkersuisup Jens B. Frederiksenip paasisinnaanngilaa.
Sanaartornermut aningaasaliissutigineqartut 67 procentii Nuup avataani sanaartornermut atorneqartarnerarlugit, Ineqarnermut Naalakkersuisup Jens B. Frederiksenip oqarnera assortuussutaavoq. Kisitsisit saqqumiunneqartut Nick Nielsenip isornartoqartippai, nammineq misissuinermini kisitsisit paasisani allaanerummata.
-Ukiuni kingullerni sisamani aningaasaqarnermut inatsimmi takuneqarsinnaavoq, sanaartornermut aningaasaliissutigineqartartuni sanaartornermut aningaasaliissutigineqartartut affaat Nuummi sanaartornermut aningaasaliissutigineqatartut, Nick Nielsen oqarpoq.
Ineqarnermut Naalakkersuisup aamma Demokraatit siulittaasuata Jens B. Frederiksen-ip taamatut oqartoqarnera paasisinnaanngilaq. Erseqqissaatigalugulu kisitsisit pineqartut kikkunnit tamanit takuneqarsinaammaata aningaasaliissutigineqartunilu Sisimiuni Ilulissanilu erngup nukissiorfiliornerit ilanngunneqannginnerat.
Jens B. Frederiksen-ip ilanngullugu nassuiaatigaa kisitsit pineqartut Ineqarnermut nalaakkersuisoqarfiup pigisai kisimik pineqanngimmata, tassani sanaartornermut aningaasaliissutit 67 procentii nuup avataani atorneqartarmata taakkualu kikkunit tamanit takuneqarsinnaasut oqarluni,
Kisitsit pineqartut aningaasaqarnermut pisortaqarfimmut uppernarsartinneqarsimasut Jens B. Frederiksen oqarpoq.
Nick Nielsen Siumut, isumaqarpoq kisitsisit eqqortut saqqummiunneqartariartut sanaartortitsinerillu sinerissamut siammarterneqarnerusariaqartut - kisitsisit eqqunngitsut saqqummiunneqarnerisigut tatiginanngitsumik paasissutissiinneruvoq, Nick Nielsen oqarpoq.
-Jens B. Frederiksen oqarnera malillugu nunarput tamaat isigalugu sanaartortitsineq Nuummi annerunngitsoq, tassami innuttaasut amerlassusaat eqqarsaatigalugu sanaartortitsineq naapertuuttoq, sanaartortoqartorlu pisariaqartitsineq aallaavigalugu.
Ineqarnermut Naalakkersuisoq Jens B. Frederiksen taama oqarpoq.
