Politikki

Qaasuitsumi Siumukkormiut Aleqa Hammond tunuarniuteqqaqugaat

Aleqa Hammondip Folketingimit kreditkorterisaminik atornerluinerata kingorna Siumumit ilaasortaajunnaarsinneqarnerata, tamatumalu malitsigisaanik Folketingimi attaviitsunngornerata kingorna, Qaasuitsup Kommuniani Siumup kommunalbestyrelsimi gruppiata tunuarniuteqaqqullugu kajumissaarpaa.

Allattoq Simon Uldum -

aggustip 30-at 2016 05:54

Qaasuitsup Kommuniani kommunalbestyrelsimi Siumumi ilaasortat Aleqa Hammond pillugu oqallinneq malinnaaffigereerlugu, Aleqa Hammondip Siumumit ilaasortaajunnaarsinnissaanik Siumup siulersuisuunerisa aalajangernerat tamakkiisumik taperserlugu nalunaaruteqarput.

Aamma atuaruk Elbæk: Kiserliornarsinnaavoq

Aamma atuaruk Aaqqissuisuuneq: Aleqa Folketingimi ilungersortussanngorpoq

Tusagassiorfinnullu nalunaaruteqarlutik Aleqa Hammond kajumissaarpaat Folketingimi ilaasortaanerminit tunuarniuteqaqqullugu.

- Nunatta aatsaat taama pisariaqartitsigilerpaa attaveqatigiinneq annertooq patajaattorlu, tamannalu Aleqa Hammondip maanna nammassisinnaajunnaarpaa. Taamaattumik kajumissaarparput piaartumik tunuarniuteqaqqullugu, Qaasuitsup Kommuniani Siumup gruppia sinnerlugu, Kristian Broberg aamma Palle Jeremiassen taama nalunaaruteqarput.

Aamma atuaruk PISUT Kreditkortimik atuineq pillugu allaaserisat tamaasa