KNR-ip tusarpaa: Demokraatit naalakkersuisooqataalertussanngortut
Partiit naalakkersuisoqatigiit Siumut aamma Nunatta Qitornai Demokraatit peqatigalugit tusagassiortunik nalunaaqutaq qulinut aggersaapput.
Sermtisiaq.ag naapertorlugu Demokraatit naalakkersuisooqataalertussanngormata tusagassiortunik aggersaapput.
Demokraatit naalakkersuisooqataaleqqittussanngortut, KNR-ip aamma tusarpaa.
Demokraatit naalakkersuisooqataaleqqikkusuttut Inatsisartoqarfimmi sivisuumik oqallisaavoq.
Demokraatit siulittaasorigallagaat Nivi Olsen KNR-imut ullualuit matuma siorna ima oqarpoq:
- Periarfissanut ammajuaannarnikuuvugut. Taanna oqaatigerusuppara. Eqqunngitsumik oqassuunga oqaruma "naamerluinnaqqissaaq periarfissat tamakkua eqqarsaatigineq ajorpagut".
AAMMA ATUARUK Demokraatit naalakkersuisooqataaqqilernissaminnut periarfissaq ammatikkaat
Tusagassiortunik katersortitsineq knr.gl-ikkut KNR-radiokkut KNR-tv-ikkullu toqqaannartumik aallakaatinneqarpat malinnaavigisinnaavat.
Demokraatit Naalakkersuisunut ikorfartortaapput, taavalu Siumup Nunatta Qitornaalu ikinnerussuteqarlutik naalakkersuisuuginnarnissaat qulakkeerlugu.
Demokraatit Inatsisartunut 2018-imi qinersinerup kingorna Siumumik naalakkakkersuisooqateqarumanngillat.