Immikkortoqarfii siumumi siulittaasumik saqqumilaarnerunissaa qanilaarneunissaalu kissaatigaat.Assi: KNR

Siumup immikkoortoqarfiisaa Kim Kielsen saqqumilaarneroqquaat

Kim Kielsen siulittaasuinnassanersoq tunuassanersorluunniit, Siumumi siulersuisut immikkortoqarfinnut apeqqutigimmassut, arfinillit tunuaqqusipput. Tunuaqqussisut Kim Kielsen saqquminngippallaarnerarpaat.

Siumumi sapaatit akunneranni kingullerni eqqissiviilliornerup sukaruttornerani siulersuisut immikkortoqarfinnut tusarniaapput.  

Siumup immikkoorttaqarfii 61-it aperineqarmata, 40-t akissuteqarput. Taakkunannga 34-it Kim Kielsen partiiminni siulittaasuuinnaqquaat.

Arfinillilli nutaamik siulittaasortaarumapput.

Kim Kielsenip Aleqa Hammond siulittaasutut 2014-imi taarseramiuk saqqummisorujussuusimallunilu nukittuujusimasoq Kangerlussuarmi immikkoortortaqarfimmi siulittaasoq, Knud Olsen, oqarpoq.

Taamaakkunnaariartorsimasoq, Olsen oqarpoq.

- Siulittaasutut saqqummilaarpallaannginnami, taamatullu aamma ataatsimoortitsisinnaanera massakkumut killilerujussuanngornikuulluni. Soorlulusooq immaqa qasusimasutut immaqaluunniit arlaannik pissuteqarluni taamatut saqqummilaarunnaarnera partiimi iluani aalassassimaarnerit killilersorsinnaanngimmagit nutaamik taarsertariaqalersimassagaluartoq isumaqaratta, Knud Olsen taama oqarpoq.

Piviusut

- Siumup immikkoortortaqarfiit 61-iupput. 

- Siulittaasup tullia Karl Kristiasn Kruse naapertorlugu immikkoortortaqarfiit qulingiluat piffissaliussaq qaangiutsinnagu attaveqarfigineqarsinnaasimanngillat.

- Immikkoortortaqarfiit 12-it attavigineqaraluarlutik piffissaliussaq naatinnagu akinngillat. 

- Immikkoortortaqarfiit 40-t tusarniaaneq akissuteqarfigaat. 

- Taakkunannga arfinillit siulittaasoq tatiginangu nalunaarput.

- Siulittaasumik tatiginninnginneq 34-t isumaqatiginngilaat.

 

AAMMA ATUARUK Immikkortortaqarfiit aalajangiipput: Kim Kielsen siulittaasuuginnassaaq

 

Tamanna Itillermi immikkoortortaqarfimmeersup Arnaaraq Batseba Karlsenip isumaqatigaa.

Kielsen sivisuumik takussaanngitsoq, Sisimiuni immikkoortortaqarfimmi siulittaasoq, Dorthea Isaksen, oqarpoq. Taakkua politikkikkut ingerlatsinermut aamma naammaginninngillat.

- Ilaatigut Siumup politikkianik aammalu siunniussaanik aallaaveqartumik ingerlanerup sanioqqukkiartuaarneqalersimanera taanna ilaatigut peqqutaaqataatipparput, soorlu pisassiisarnernut tunngasut ilaatigut taakkartorneqarlutik, Dorthea Isaksen oqarpoq.

Immikkoortortaqarfiilli nutaamik siulittaasoqraarusuttut tusarniaanermi malunnaatilimmik ikinnerussuteqarput.

Amerlanerussuteqartullu piumasaat ataqqineqartariaqartoq Knud Olsen Dorthea Isaksenilu oqarput.

Kim Kielsenimilli tapersersuisut aamma piumasaqaateqartut, Dorthea Isaksenip maluginiarpaa.

 

AAMMA ATUARUK Ulloq aalajangiiffiusoq: Siumut Kim Kielsenip siunissaa pillugu massakkorpiaq ataatsimiippoq

 

Immikkoortortaqarfiit ilaasa immikkut ittumik ataatsimeersuarneq pinngitsoortinniarlugu Kim Kielsen aappaagu ileqquusumik ataatsimeersuartoqarnissaata tungaanut tapersersoraat, Partiip siulersuisuisa nalunaarutigaat. Siulittaasup saqqummilaarnerunissaa aamma kissaatigineqarpoq.

 

AAMMA ATUARUK Immikkoortortaqarfiit Kim Kielsen siulittaasoriinnassanerlugu aalajangissavaat

 

Kim Kielsen nukittoqqikkumaartoq, Knud Olsenip kissaatigaa, maannamulli takusani pikkunartippallaanngilai.

Isornartorsiuisut arfineq marluk:

Anders Olsen, Nikkulaat Jeremiassen, Henrik Fleischer, Erik Jensen, Laura Táunâjik, Jens Danielsen aamma Hermann Berthelsen.

 - Tusarniaaneq naammassereeraluartoq, Kim tutsaqanngilaq. Tusanngilarput qisuaateqarsimaneranik oqaluttut. Tamaallaat siulersuisuunerit nalunaaruteqarnerat tusaratsigu ippinnarpoq.

Kim Kielsen qanoq qisuariaateqarnersoq paasiniarlugu ippassarli attaviginiarsaraarput, angalammalli suli iluatsinnagu.

KNR- imiit oqaloqatigisatta saniatigut aamma Niaqornaarsummi, Upernavimmi Ittoqqortoormiinilu immikkoortortaqarfiit tunuaqqusisuupput.

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat