Siumup DNAG uterfiginianngilaa
Atlantikup Avannaamiut Suleqatigiifffiat 2001-imi pilersinneqartoq kalaallit savalimmiormiullu namminersulernissaat pillugu suliniaqatigiiffittut, Siumut taama allappoq. Taamanikkummi Kalaallit Nunaata namminersulernissaanut aalajangiisinnaassuseqartoq tassaavoq Folketingi. Maannakkulli taamaakkunnaarpoq.
- Tassami Namminersorlutik Oqartussaanermi inatsisip aalajangiisinnaassuseqarneq toqqaannartumik inuiaqatigiinnut kalaallinut tunniunneqarpoq. Taamaattumik Folketingemi Siumut qangalili Socialdemokratinik suleqateqalerpoq. Siunissami kalaallit soqutigisaasa sulissutiginissaat aalluteqqilernikuuvagut, taamaalillutalu siunissami ineriartortitsinissatsinni Danmarkimik suleqateqarnerput nangissallutigu. Aamma imminut napatissinnaasumik aningaasatigut ingerlatsileraluaruttaluunnit, namminersulivinnissarpullu nammineq toqqarsinnaanngoraluarutsigu, Siumut tusagassiuutinut ataasinngornermi nalunaarummini allappoq.
Tassaana IA-kkut qinigassanngortitaata, Nikoline Ziemerip, kalaallit partiivisa Atlantikup Avannaani Suleqatigiiffiannut ilanngunnissamut siunnersuutaa, Siumukkunnit ersarissumik itigartinneqartoq.
