Siumumeersoq IA-meersumit taarserneqarpoq

Partiimut Inuit ataqatigiinnut ilaasortaq Siumup inatsisartunut ilaasortaatitaanut ulluni makkunani sinniisuuvoq. Peter Lyberthip Inuit Ataqatigiinneersup Siumut sinnerlugu inatsisartunut ilaasortaq Akitsinnguaq Olsen napparsimalluni sulinngiffeqarnerani taarserallarpaa, naak taakku parteeqatigiinngikkaluartut.
Allattoq Oline I. Olsen
novembarip 04-at 2009 10:28

Akitsinnguaq Olsen Inuit Ataqatigiit sinnerlugit inatsisartunut qineqqusaarnikuuvoq, qinersisoqareerneratalu kingorna Akitsinnguaq Olsen partiimut Siumumut nuuppoq, sinniisussaali Inuit Ataqatigiinnut ilaasortaalluni. Peter Lyberthilu Akitsinnguaq Olsenip inatsisartuni maanna napparsimalluni sulinngiffeqarnerani taartaasuussaaq.

Akitsinnguaq Olsenip 38-nik ukioqartup napparsimalluni sulinngiffeqarnera oktobarip 23-annit novembarip aqqarnanut sivisussuseqassaaq. Uippakajaarnermik peqquteqartumik napparsimasoq, partiip Siumup allattaa Mikael Petersen nalunaarpoq, inuttaatali qanoq innera pillugu itinerusumik nassuiaateqarumanani.

Akitsinnguaq Olsen Inuit Ataqatigiinniit Siumumut oktobarip aallartilaarnerani nuuppoq. Nuunnerminullu tunngavilersuinermini Siumumi isummani pillugit tusaaneqarnissaminut suliniutinillu pingaartitaminik ingerlatsinissaminut periarfissaqalissalluni oqaaseqarpoq.

Akitsinnguaq Olsen Inuit Ataqatigiit sinnerlugit inatsisartunut ilaasortanngorluni aasaq qinigaanermini 112-nik qinersiseqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq