Politikkikkut malinnaasoq: Siulittaasussarsiornermi oqallineq pisariaqarpoq
Siumut Sisimiuni immikkoortortaqarfia Siumut partiimi siulittaasunngortussap ataatsimoortitsisinnaasumik ujartuinera, partiimi avissaartuuttoqarnerata ersersikkaa, politikikkut malinnaasoq Sten Lund isumaqarpoq.
Tamassuma oqallisigineqarnissaata pingaaruteqassusia Sten Lundip oqaatigaa.
AAMMA ATUARUK Siumumi avissaartuunnermi siulittaasoq isorineqartoq
- Erseqqissumik oqariartuutilimmik, arlaannik oqaatsimik aalajangersimasumik siunertaqarluni ingerlajumasumik tamarmik katersuuffigisinnaassaannik oqariartuutilimmik ujartuinerat malunnarpoq, Sten Lund oqarpoq.
Siumut siulittaasussaata qanoq ittuunissaa pillugu oqallinermi StenLund taama oqarpoq.
Oqallinneq pisariaqarsimassanngikkaluarpoq, partii ajunngitsumik ingerlasimasuuppat
Vittus Qujaukitsoq Naalakkersuisut inatsisartullu avaqqullugit Naalagaffiit Peqatigiinnut maalaaruteqarpoq,
aamma USA-mut Danmarkimillu inussiarnersumik kiinnerani. Kim Kielsen Namminersulivinnissamut arriippallaamik suliaqarnera isornartorsiorneqarpoq.
- Vittus Qujaukitsup Kim Kielsenillu immikkoorutaat ilivitsuunngitsutut oqaatigineqarsinnaavoq, taamaattumik siulittaasunngorniartut sumiiffissiuminaatsinneqarput, Sten Lund oqarpoq.
AAMMA ATUARUK Vittus Qujaukitsoq Siumut Nuummi siulittaasunngortoq
Siumut Sisimiut Siumut Partiimi siulittaasoq qanoq ittoq pisariaqartinneqarnerpoq pillugu oqallititsivoq.
Partiip siulittaasua Naalakkersuisunut aamma siulittaasuusoq nalinginnaasumik tunuliaquttaminit tapersersorneqartarpoq, tamannalu avammut saqqummiinerni taamaattarpoq, Sten Lundillu oqarnera naapertorlugu, partiimi ataatsimeersuarneq sioqqulugu eqqissiviilliortarnerit siullermiilinngillat.
- Namminersornerulluni oqartussaaneq sioqqullugu ajornartorsiutit taamatut ittut pisarput, tassalu siullermiilinngillat, ullummikkut saqqumminerusumik oqaatigineqartalerput, Sten Lund oqarpoq.
Siumut Sisimiut, Kim Kielsenimut taassumalu unammillertaanut Vittus Qujaukitsumut tatiginninnerat annertunngilaq aamma taakkua partiimik aqutsisinnaanerannut tatiginninnatik.
Partiimi avissaartuuffiusumi partiimi nuimasut marluk qinigassanngortipput.
Siumut Sisimiut oqallititsinerat iluatsissappat, partiimi katersuutitsisoqartariaqarpoq,
- Vittus Qujaakitsup aamma Kim Kielsenip avammut takutittariaqarpaat naapiffeqarsinnaallutik, oqallinnerit torersumik ingerlassinnaallugit, taamaattumi Siumumi pingaaruteqarpoq suleqatigiissinnaassusermik takutitsineq aamma inuiaqatigiinnut takutissallugu, politikkikkut malinnaasoq Sten Lund taama oqarpoq.
AAMMA ATUARUK Naalakkersuisut maalaarut utertikkaat
