Karl Kristian Kruse: Siulersuisuunerit Kim Kielsen siulittaasutut tapersersorpaat

Naak ilaasortat isorinnittut Kim Kielsenimik tatiginninnginertik attatiinnaraluaraat siulittaasoq siulersuisuunernit tapersorneqarpoq.
Kim Kielsen siulersuisuunernit suli tapersorneqarpoq siulittaasutullu ingerlaannarsinnaalluni. Assi © : KNR
Allattoq Ivik Kristiansen, Mette Nørmark
aggustip 15-at 2019 05:47
Nutserisoq Per Rosing

Siumumi akerleriit marlunngiornermi ataatsimiinerminni ataatsimoorffeqarpianngillat. Taamaallaat allakkat Kim Kielsenimik isornartorsiuisut partiip sinerissami immikkortorqarfiinut nassiutissalugu isumaqatigiissutigaat.

Taamaliornikkut ilaasortat Kim Kielsenimik isornartorsiuineq isumaqatigineraat paasineqassaaq

LÆS OGSÅ  Isornartorsiusut ataatsimiinerup kingorna: Isumarput suli attapparput

Taamaattumik illuatungeriit massakkut immikkoortortaqarfiit akissutissaat utaqqivaat, tamannalu aappaagu ileqquusumik ataatsimeersuarneq sioqqullugu Kim Kielsen tunuassanersoq aalajangiisuussaaq.

- Immikkut ataatsimeersuarneq aatsaat periarfissaavoq immikkoortortaqarfiit affai sinnerlugit taassuminnga kissaateqarpata, Siumumi siulittaasup tullia  Karl-Kristian Kruse nassuiaavoq partiip malittarisassai innersuussutigalugit.

Siooranartoqanngilaq 

Malittarisassani aamma allassimavoq siulersuisuunerni ilaasortat pingajorarterutaat marluk tamatuminnga kissateqarpata siulersuisuunerit ataatsimeersuariartoqqusisinnaasut.

Kisianni Kim Kielsenip killormut saalersorfigineqarnissani sioorassutigissanngilaa, Karl-Kristian Kruse oqarpoq.

- Siulersuisuunerit akerliusumik oqartoqanngilaq siulittaasutullu ingerlaqqerusunnera taperserneqarpoq,

Karl-Kristian Kruse oqarpoq.

Kim Kielsenip Siumumut siulittaasuunera kingusinnerpaamik aappaagu pisarnertut ataatsimeersuarnerup tungaanut killeqassaaq, tassanimi partiip siulitaasuatut qinigassanngortinnianngilaq.

Taamanikkussamut massakkut Naalakkersuisuusut atuuffiat suli ukiuni marlunni ingerlassaaq.

AAMMA ATUARUK Siumup Kim Kielsen ima uppitissinnaavaa

Inatsisit tunngavigalugit taamanikkornissaanut Kim Kielsen Naalakkersuisunut siulittaasuusinnaalluarpoq Siumumut siulittaasuujunnaaraluarluni.

Siulittaasunngortussap qanoq kissaateqarnera apeqqutaassaaq, Karl Kristian Kruse paasissutissiivoq:

- Ataatsimeersuarnermi qanoq aalajangiisoqarnissaa apeqqutaassaaq. Siulittaasunngortussap qanoq kissaateqarnera apeqqutaassaaq, Karl-Kristian Kruse oqarpoq.

KNR'ip allaaserisaa ingerlateqqiguk: 

Aamma atuaruk