Tulliani ataatsimeersuartoqaqqinnissaanut Kim Kielsenip siulittaasutut qinigassanngorteqqinniarnani nalunaarutaa tunuaqqusisunit nuannaarutigineqartoq, tunuaqqusisut ilaat Anders Olsen oqarpoq.Assi: KNR

Isornartorsiuisut ataatsimiinnerup kingorna: Isumarput suli attapparput

Kim Kielsenip isornartorsiuisuisa siulittaasutut suli tatiginngilaat. Partimut ilasortaq Anders Olsen nalunaaquttap akunnerini arlalinni ippassaq ataatsimeereerlutik oqarpoq.

- Partiitsinni siulittaasoq Naalakkersuisuni siulittaasuuvoq imaappoq nunatta siuttoraa. Apeqqutinik annertuunik pisoqartillugu uagut isumaqarpugut partiit siuliuttaasuat tassaasariaqarpoq inuiaqatiminut, parteeqartiminut suleqatiminut tusarnaarsinnaasoq, naaperiaasinnaasoq aamma ataatsimoortitsisinnaasoq. Tamannalu pikkoriffiginngilaa.

Anders Olsen oqarpoq. Tamannalu pillugu Siumut Inatsisartuni gruppeanni ippassaq marlunngornermi Kim Kielsen ataatsimeeqatigivaat.

Kim Kielsenilu nammineerluni tunuarniarnani ataatsimiinnerneq naammassimmat oqarpoq.

- Uanga tunuarniuteqarnissannut maannakkut takorluugaqanngilanga, Kim Kielsen marlunngornermi ataatsimiittoqareersoq nalunaaqutaq sisamat qeqqata missaani oqarpoq.

Siumumi ilaasortat arlallit isumaqarput Kim Kielsenip partiimini ataatsimoortitsinngitsoq siuttutullu sulinani. Taamaammat partiip siuttuatut nunattalu siuttuatut ingerlaannaarnissaa naapertuutinngitsoq tunuaqqusisut isumaqaput.

AAMMA ATUARUK Kielsen maannakkut tunuarnianngilaq

Tamanna Siumup iluani piffissami sivitsortumi maluginiarneqartarsimasoq qaqinneqartaraluarlunilu taakku oqarput, tunuaqqusinissamullu maanna piffissanngortoq isumaqarlutik.

- Uani erseqqissaassutigissavara atsioqatigiittugut uagut, tusagassiuutinut nalunaarutigaarput siulittaasutsinnut tatiginnikkunnaarluta, taamatut isumaqarnerput suli attapparput. Isumaqarpungalu erseqqissaassutigissallugu pingaaruteqartoq.

Anders Olsenip ilanngullugu oqaatigaa Siumup sinerissami immikkoortortaqarfii tusarniaavigineqassasut atsiornernut qanoq isumaqarnersut. Tusarniaanerullu ulluni qulini sivisutiginissaa naatsorsuutigigitsik Anders Olsen erseqqissaavoq.

Siumup malittarisassai naapertorlugit immikkoortortaqarfiit affaannit amerlanerusut piumasarippassuk immikkut ittumik ataatsimeersuartoqassaaq.

Tatiginnikkunnaarnerminnut tunngavilersuutitik tusagassiuutitigut nalunaarummut nassiussimasatik taakku innersuussutigaat. Siumut ilaasortai arfineq marluusut atsioqataasut tassaapput Anders Olsen, Nikkulaat Jeremiassen, Henrik Fleischer, Erik Jensen, Laura Táunâjik, Jens Danielsen aamma Hermann Berthelsen.

Atsioqataasuttaaq ilagaat inatsisartunit sulinngiffeqarallartoq, aatsitassanut suliffeqarnermullu naalakkersuisoq Erik Jensen.

Tulliani ataatsimeersuartoqaqqinnissaanut Kim Kielsenip siulittaasutut qinigassanngorteqqinniarnani nalunaarutaa tunuaqqusisunit nuannaarutigineqartoq, tunuaqqusisut ilaat Anders Olsen oqarpoq.

AAMMA ATUARUK Siumut Inatsisartuni ilaasortaatitat amerlanerussuteqartut Kim Kielsenip tunuarnissaanik piumasaqarput

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat