Sisorartartoq inuusuttoq akissarsitinneqartoq
Bjarne Herbert Hansen, SSP-Sisimiuneersoq, sisorartartut ullormi freerfianni immikkut aaqqissuussamik katerisimaartinneqarmata Sisimiormiu taanna Peter Wulff's Mindefonds pris som Årets Ungdomstalentimik taasagaannik akissarsitinneqarpoq.
Bjarne Herbert Hansenip pikkorissuulluni pikkorinnerulernissanilu sulissutigiuaannarmagu akissarsitinneqartoq, Mindefondimi siulersuisut siulittaasuata Birgitte Olesenip akissarsisitsisoqarnerani tunngavilersuutigaa.
Nunatsinni sisorartartut nunani allani unammisartut sungiusaasuat Øystein Slettemark, Kalaallit Nunaanni Sisorartartut Kattuffiat sinnerlugu oqalugiarpoq, Bjarne Herbert Hansenillu akissarsitinneqarnera tulluusimaarutigaa nuannaarutigalugulu:
- Bjarnep sisorartartutut pikkorinnerulernissani pillugu sungiusarnera malinnaavigaarput, sungiusarninilu paarilluarpaa, siuariartupiloorporlu, Øystein Slettemark oqarpoq, Bjarne Herbert Hansenillu Arctic Winter Gamesimi peqataanissaa pissanngatigalugu. Bjarne Herbert Hansen 15-inik ukiullit akornanni tassani unammeqataasussaavoq.
Akissarsisitsineq aningaasartaqarpoq, taakkualu sisoraatinut assigisaanullu atorneqarsinnaallutik.
