Sisimiut anorisaatinik misileraassasoq
Nukissiorfiit anorisaatinik Sisimiuni misileraaniarput, anorisaatit nunaqarfinnut nukissiamik pilersuinermi tapertaallutik atorneqarsinnaanersut misissussallugu.
![](/sites/default/files/styles/image_934x467/public/syn_med_byen.jpg?itok=HbHrldZy)
Allattoq Kenneth Elkjær
Nutserisoq Connie Fontain
Sisimiuni anorisaatinik misileraanissami anorisaatit Issittumi qanoq ingerlassanersut paasiniarneqarpoq.
Anorisaatit marluk 25 meterit missaannik portutigissapput ilinniarfiullu KTI Sisimiut eqqaanniissallutik.
Anorisaatit nunatsinni nukissiamik nioqqutissiornerup minngutsitsinnginnerusumut nuukkiartornissaanut tapertaanissaat Nukissiorfiit siunissamut ungasinnerusumut anguniarpaat. Ataavartumik tunngaveqartumik 2030-mi nukissiulersimanissaq Nukissiorfiit anguniarpaat.
Nukissiorfiit KTI Sisimiut peqatigalugu suliniuteqarput. Anorisaatinik inissiineq ingerlatsinerlu atuarfiup ilinniartuinik ilinniartitsinermi atorneqassapput.
AAMMA ATUARUK Video: Anorisaatinik qangatasunik misileraaneq