Sisimiormiuaqqat marluk nersorniarneqartut

Sisimiuni niviarsiaqqat marluk iliuuseqapallassimanerat tulluusimaarutigineqaqaaq.

U-21-t assammik arsarlutik Sisimiuni nunatsinni pissartanngormiunnerannut atatillugu niviarsissat marluk nersorniarneqarput, 500 koruuninik aningaasartalunnik tunineqarlutik. Timersortarfimmi ikuallattoqarnerani niviarsissat sukkasuumik qisuariarsimanertik pissutigalugu nersornaatisipput. Atuagagdliutini aqagu saqqummersussani taama allaaserinnipput.

Nukappiaqqat pingasut arfineq-pingasunik ukiullit timersortarfiup naqqata ataani eqqaaveqarfimmi pujortarniarsimapput, igitassallu ilaat ikuallatsilersimallugit. Pujornera niviarsissat takusimavaat, nukappiaqqanillu imermik aalleqquneqarsimallutik. Timersortarfimmili sulisut saaffigaat, taakkulu sukkasuumik qanoq iliuuseqartillugit ikuallattoq qaminneqarpoq.

Niviarsiaqqat taakku marluk – Mona D. Jeremiasen aamma Inuk Abelsen – pissartanngorniunnerup naggataarnersiorneqarneranut atatillugu 500 koruuninik nersornaatisipput, taakkulu timrsotarfiup pisortaata, Marianne Olsenip, tunniuppai.

Immaqa Sisimiuni qatserisarfik uffa isumallualersinnaasoq, niviarsissat allinerulaarunik qatserisartunngortunngorusussinnaanersut?